• USD 468.56

  • EUR 497.56

  • RUB 7.3

  • CNY 67.18

23 Maýsym, 07:23:55
Almaty
+35°
Jýrnalıst Mahambet Ábjanǵa qatysty úkim zańdy kúshine endi, dep habarlaıdy Astana qalasy sotynyń baspasóz qyzmeti.
 
Buǵan deıin habarlanǵandaı, 2023 jylǵy 3 aqpanda Astana qalasynyń qylmystyq ister jónindegi mamandandyrylǵan aýdanaralyq soty BAQ-ty paıdalanyp, iri zalal keltirýge ákep soqqan kórineý jalǵan aqparat taratý (QK-niń 274-baby 3-bóligi) jáne asa iri mólsherde bopsalaý faktileri boıynsha (QK-niń 194-baby 4-bóligi 2) tarmaǵy) Mahambet Abjanǵa úkim shyǵardy.
 
Abjan qylmystardyń jıyntyǵy boıynsha 9 jylǵa bas bostandyǵynan aıyrý jazasyna kesildi. Ol jazasyn tótenshe qaýipsiz qylmystyq-atqarý júıesi mekemesinde óteıdi. Abjannyń is-áreketinen qaýipti qylmystyń qaıtalanǵany anyqtaldy.
 
"Sottalǵan adam men onyń qorǵaýshylary osy úkimmen kelispeı, sot aktisine apellıasııalyq tártippen shaǵymdanyp, Abjandy aqtaýdy surady. Sot aktisiniń kúshin joıýǵa nemese ózgertýge negiz bolmaǵandyqtan, úkim ózgerissiz qaldyryldy jáne zańdy kúshine endi", - dep málimdedi qalalyq sot.
 
Eske salsaq, sot anyqtaǵandaı, Mahambet Ábjan "Abzhan news" telegramm-kanalynyń ıesi jáne avtory bolǵan kezde 2022 jylǵy maýsymnan shildege deıin BAQ-ty paıdalana otyryp, "Astana-óńirlik elektrjelilik kompanııasy" AQ basqarma tóraǵasynyń orynbasary G.Qojabaevqa, "Astana Jylý tranzıti" basqarma tóraǵasynyń orynbasary K.Mýkınge jáne Rashıt Mahatqa (jeke kásipker) qatysty kórineý jalǵan málimetter jarııalaǵan. Sondaı-aq, ol Rashıt Mahattan 50 mln teńge aqsha bopsalaǵan.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir