Foto: qamshy.kz
Almatydaǵy Ulttyq kitaphananyń N.Dáýletova atyndaǵy zalynda «Kelun-Kazpharm» kompanııasynyń atqarýshy dırektory Mereı Slamulynyń týǵanyna 60 jas tolýyna oraı «Búgingi Qazaqstan jáne otandyq óndiris» atty dóńgelek ústel ótti.
«Kelun-Kazpharm» – úlken kólemdegi ıneksııalyq eritindiler shyǵaratyn zamanaýı farmasevtıkalyq kásiporyn, iri kásipkerlik sýbektisi. Zaýyt avtomattandyrý deńgeıi joǵary farmasevtıkalyq ónimderdi shyǵaratyn zaýyttar arasynda Ortalyq Azııadaǵy eń iri zaýyt bolyp tabylady. Qazir zaýytta 350-den astam adam jumys isteıdi.
"Dári-dármek salasyn Qazaqstandaǵy eń negizgi salalardyń biri bolyp esepteledi. Adam densaýlyǵymen baılanysty bolǵan soń mańyzy zor. Dári-dármektiń 70% Qazaqstanǵa shetelden keledi. Bizge otandyq óndiris jetispeıdi. Sol sebepti osy salada eńbek etýdi tańdadyq. 10 jyldyq eńbegimiz jaqsy nátıje kórsetip keledi", dedi Mereı Slamuly.
Maıtalmannyń 60 jyldyq mereıtoıy ǵylym salasyndaǵy úzdikterdiń basyn qosyp, osyǵan deıingi eńbek jolyna esep berýge arnaldy.
"Mereı Slamuly pandemııa kezinde halyqtyń densaýlyǵyn saqtaý baǵytynda kóp jumys istedi. Elge qajetti dári-dármek shyǵaryp, qoljetimdi baǵamen aýrýhanalarǵa jetkizip otyrdy. Mereı Slamuly tek qana kásip jasap júrgen mesenat ǵana emes, eldiń rýhanııatyn, mádenı murasyn nasıhattaýǵa úles qosyp júrgen azamat", dedi Shoqan Ýalıhanov atyndaǵy Tarıh jáne etnologııa ınstıtýtynyń dırektory Zııabek Qabyldınov.
Ataýly sharaǵa prezıdent keńesshisi, Almaty oblystyq ákimshiliginiń qyzmetkerleri, ǵylym salasynyń júırikteri men birqatar kásipkerler qatysty. Sondaı-aq prezıdent Qasym-Jomart Toqaev Mereı Slamulyn 60 jyldyq mereıtoıymen quttyqtap, prezıdent keńesshisi Málik Otarbaev arqyly sálem joldaǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir