Aıatjan Ahmetjan: Jap-jańa, ádiletti Qazaqstan saılaýdan shettetti

Qoǵam belsendisi, hımık, Astana qalasyndaǵy№90 gımnazııa mektebiniń dırektory Aıatjan Ahmetjan saılaýdan shettetilgenin málimdedi. Bul týraly ol óziniń feısbýk paraqshasyna jazdy. 

Oǵan Astana qalasy máslıhaty boıynsha 9 okrýg hatshysy habarlasyp saılaýdan shettetilgenin aıtqan. Qoǵam belsendisiniń kandıdattyǵynyń alynýyna "salyq deklarasııasynda nesıe alǵanyńyzdy jasyrýy" sebep bolǵan. 

"Jap-jańa, ádiletti Qazaqstan saılaýdan shettetti. Kredıt degen múlik pe? Ony qalaı kórsetýdi de bilmeıdi ekenmin. Deklarasııany tekserý ýaqyty aıaqtalyp ketken joq pa? Osy ýaqytqa deıin uıyqtap jatty ma?", – dep jazdy Aıatjan Ahmetjan.

Eske sala keteıik, osyǵan deıin Aıatjan Ahmetjan Astana qalasy máslıhatynyń depýtattyǵyna úmitker bolǵan edi.