• USD 468.56

  • EUR 497.56

  • RUB 7.3

  • CNY 67.18

17 Sáýir, 06:21:44
+35°

Foto: Almaty oblysy ákimdiginiń baspasóz qyzmeti

Almaty oblysynyń ákimi Marat Sultanǵazıev Qarasaı aýdanynyń turǵyndarymen kezdesti, dep habarlaıdy óńirlik baspasóz qyzmeti. Halyqpen dıdarlasýǵa kelgen aımaq basshysy eń áýeli oblystyń sonymen qatar, aýdannyń áleýmettik -ekonomıkalyq jaǵdaıyna toqtaldy.

Marat Eleýsizulynyń aıtýynsha, 2022 jyldyń qorytyndysy boıynsha ekonomıkanyń barlyq salalarynda 26,3 myń turaqty jumys orny qurylǵan. Jalpy, óńirdegi ekonomıkanyń ósý qarqyny ústimizdegi jyldyń qańtar aıynda da saqtalyp otyr.

Tutastaı alǵanda, Qarasaı aýdany Almaty oblysynyń ekonomıkasyn damytýǵa aıtarlyqtaı yqpal etip keledi. О́ıtkeni, aýdannyń oblystyń barlyq ónerkásip ónimindegi úlesi 33%-dy quraıdy. Qazirgi tańda Qarasaı jerinde 359 kásiporyn jumys isteıdi, onyń 80%-y óńdeý ónerkásibine tıesili. Oblys ákimi Marat Sultanǵazıevtyń aıtýynsha, aýdannyń ónerkásip óniminiń 74%-dan astamyn óndiretin 7 júıe quraýshy kásiporyndar jumys jasaıdy.

dl

Aımaqtyń aýyz toltyryp aıtar nátıjelerin basyp aıtqan óńir basshysy aýdan ákimdigi qol jetkizgen qarqyndy saqtap qana qoımaı, jańa ınvestorlardy tarta otyryp, ártaraptandyrý arqyly salany damytý kerek degen pármen berdi.

Sonymen qatar, Marat Sultanǵazıev agroónerkásip kesheni salasynda aýdan jalpy ónim kólemi boıynsha kóshbasshylardyń biri ekenin tilge tıek etti. AО́K salasynda Qarasaı aýdanynyń oblystaǵy úlesi 12% nemese 88,5 mlrd.teńgeni quraıdy.

«Aýyl sharýashylyǵyn qoldaýǵa oblysta jyl saıyn 30 mlrd. teńgeden astam sýbsıdııa bólinetinin atap ótkim keledi.О́tken jyly Qarasaı aýdanynyń 108 sharýa qojalyǵyna 527 mln. teńge bólindi»,-dedi oblys ákimi.

Aýdandaǵy mal sharýashylyǵy baǵytyndaǵy kórsetkishterde jaman emes. Aımaq sıyr basy boıynsha – besinshi orynda tursa, sút óndirý boıynsha – ekinshi orynda tur. Búgingi tańda bul mańda 2 myń basqa arnalǵan 7 sút-taýar fermasy bar. Alaıda, sút óńdeıtin kásiporyn joq.

Sondaı-aq, aýdanda qus sharýashylyǵy jaqsy damyǵan. Aýdannyń eki kásiporny - «Alsad Qazaqstan» jáne «Qazaqstan Qustary» 168,3 mln. dana jumyrtqa óndirdi. Marat Sultanǵazıevtyń sózine súıensek, 2022 jyldyń shilde aıynan bastap qarjylyq jaǵdaıyna baılanysty, «Qazaqstan Qustary» kompanııasy kásipkerlik qyzmetin toqtatýǵa májbúr bolǵan.

od

Osyny eskergen oblys basshysy, kezdesý barysynda aýdan ákimine ınvestorlarǵa barlyq jaǵdaıdy jasap, olardy tartý boıynsha jumystardy kúsheıtýdi tapsyrdy.

Aımaq basshysy jıynda aýdan turǵyndaryn tolǵandyratyn úsh ózekti másele – aýyz sýmen, gazben jáne joldarmen qamtamasyz etý isine toqtaldy.

Sózine sensek, oblys boıynsha 384 eldi mekenniń 356 nemese 92,7% taza aýyz sýmen qamtamasyz etilgen. Qarasaı aýdanynda bul kórsetkish 97,9%-dy quraıdy, ıaǵnı 46 eldi meken sapaly aýyz sýmen qamtamasyz etilgen. Al, 59 adam turatyn Kóktóbe aýylynda bul másele áli sheshimin tappaǵan. Sondaı -aq, sý qubyry jelileriniń 65% tozyǵy jetken.
«Atalǵan máseleni sheshý úshin aýdannyń 12 eldi mekeninde jobalaq smetalyq qujattama ázirlenýde, al Jańaturmys aýylynda ekinshi kezektegi qurylys jumystary 2023 jyldyń qarasha aıynda bitedi»,-dedi Marat Eleýsizuly.

Oblys basshysy baıandamasynda kógildir otynǵa qosý jaıy týraly sóz qozǵady. Aıtýynsha, Qarasaı aýdanynda gazdandyrýǵa jatatyn 44 aýyldyń 43-i kógildir otynmen qamtylǵan. Gazǵa qosylmaǵan Saýynshy aýylyna 2024 jyly gaz tartý úshin «Sıgma Gaz» seriktestigimen kelissózder júrgizilýde.

«Turǵyndar tarapynan gazǵa qosylý quny 450-500 myń teńgege qatysty úlken shaǵymdar bar. Sondaı-aq, ótken jyldyń 1 shildesinen 1 tekshe metri úshin tarıf 29,5 teńgeden 34,7 teńgege deıin qymbattady.Osy fakti boıynsha monopolııaǵa qarsy komıtettiń tekserýi uıymdastyrylyp, nátıjesinde qyzmetter tarıfin bekitýge ótinim bermeý, taýarlyq gazdyń satý baǵasyn belgileý tártibin saqtamaý boıynsha buzýshylyqtar anyqtaldy»,-dedi Marat Sultanǵazıev.

Aıta keteıik, gaz tartýdaǵy zań buzýshylyqtarǵa baılanysty «Sıgma-GAZ» seriktestigine aıyppul salyndy.

Oblys ákimi sóz sońynda gaz sharýashylyqtarymen abonentterdi qosý baǵasyn 350 myń teńgege deıin tómendetý týraly memorandýmdarǵa qol qoıý arqyly kelissózder júrgizilip jatqanyn atap ótti.

Ákimniń el aldyndaǵy baıandamasy aıaqtalǵannan keıin, halyqtyń kókeıinde júrgen suraqtardyń tıegi aǵytyldy.

Halyqtyń basym bóligi, kógildir otynǵa qosylýdyń baǵasynyń qymbattaýyna, eldi meken arasynda qatynaıtyn qoǵamdyq kóliktiń joqtyǵy men aýyl ishindegi joldardyń jaıyna qatysty boldy. Birqatar aýdan turǵyndary, emdeý mekemesiniń joqtyǵyn alǵa tartty.

Halyqtyń bazynasyn muqııat tyńdaǵan oblys ákimi, kógildir otyn jaıyna qatysty kúni erteń BAQ ókilderi men jergilikti bıliktiń qatysýymen ashyq jıyn ótip, keńinen talqylanatynyn aıtty. Al, medısınalyq ambýlatorııa salý úshin jobalyq-smetalyq qujattar daıyndalyp, aldaǵy ýaqytta qurylysy bastalatynyn atap ótti.

Birshama jınalǵan jurt, saýaldaryn jazbasha túrde de joldap jatty. Oblys basshysy bul suraqtarǵa da der kezinde jaýap beriletinin aıtyp, jıyndy qorytyndylady.

"Qamshy" silteıdi
Ilmek sózder: Almaty oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir