Almaty oblysynda alǵashqy aýyldyq tirek mektep jabdyqtaldy

Jambyl aýdany, Uzynaǵash aýylyndaǵy Turar Rysqulov atyndaǵy orta mektep «Qazaqstan halqyna» qoǵamdyq qorynyń Bilim berýdi turaqty damytý qorymen birlesip iske asyratyn «Aýyldyq jerlerdegi tirek mektepterdiń áleýetin damytý» qaıyrymdylyq baǵdarlamasyna kiriktirildi, sonyń arqasynda bilim ordasyndaǵy materıaldyq - tehnıkalyq baza men synyptar jańartyldy, dep habarlaıdy óńirlik baspasóz qyzmeti.

Jańǵyrýdan ótken mektep «Ashyq esik kúni» aıasynda tanystyryldy.

Sharaǵa, Almaty oblysynyń ákimi Marat Sultanǵazıev, «Qazaqstan halqyna» qorynyń Basqarma tóraǵasy Bolat Jámishev, «NZM» DBBU Basqarma tóraǵasy Kúlásh Shámshıdınova sondaı-aq , oblystyq bilim basqarmasynyń basshysy Saltanat Bespaeva qatysty.

Baǵdarlama aıasynda NZM jaraqtandyrý standarty boıynsha 37 oqý kabıneti men sheberhanasy, STEM-zerthana, ART-stýdııa, ıntellektýaldyq holl, kitaphana jáne telestýdııa jańartyldy.

Jańasha sıpatka engen mektepti kózben kórgen oblys ákimi Marat Eleýsizuly, bilim salasynyń damýy – búginde qoǵam damýynyń basty kórsetkishi ekenin alǵa tartty.

Sondaı-aq, aımaq basshysy óz sózinde,
osy baǵdarlamany júzege asyrǵan jaýaptylarǵa alǵysyn bildirdi.

Sonymen qatar, Marat Eleýsizuly «Jaıly mektep» ulttyq jobasynyń óńirde júzege asýyna toqtalyp, 2023-2025 jyldary aıasynda oblysta 68 200 oryndyq 63 mekteptiń qurylysyn salý kózdelgenin jetkizdi.

Jańǵyrýdan ótken, bilim oshaǵynda 2083 oqýshy tálim alsa, 219 pedagog eńbek etedi.

Mektep basshylyǵy, materıaldyq-tehnıkalyq bazany jańartý jáne pedagogtardy oqytýdyń arqasynda aýyl mektebi óz áleýeti men tájirıbesin aýdannyń basqa mektepterimen bólisýge múmkindik aldy dep, júrek jardy qýanyshtarymen bólisýde.

Al, «Qazaqstan halqyna» qorynyń Basqarma tóraǵasy Bolat Jámishev tanystyrylym kezinde, jobanyń basty mindeti - aýyldyq jerlerde tirek mektepterdi damytý bolyp tabylatynyn jáne aımaqtaǵy bilim sapasyn arttyrý úshin NZM áleýeti men resýrstary jumyldyrylǵandyǵyn aıtty.

« «Aýyldyq jerlerde tirek mektepterdiń áleýetin damytý» baǵdarlamasy boıynsha «Qazaqstan halqyna» qory 17 aýyldyq tirek mektepterin qurýdy josparlap otyr»,-dedi Bolat Jámishev.

Búgingi tańda Qor 16 tirek aýyl mektebiniń muǵalimderin oqytý kýrstary men taǵylymdamadan ótkizý túrinde ádisnamalyq kómek kórsetkenin atap ótken abzal.

Esterińizge salamyz, Qor mektepti jaraqtandyrýǵa 249 mln 825 myń teńge jumsaǵan.