Investorlar Mańǵystaýda balyq sharýashylyǵyn damytýǵa nıetti

9 aqpanda Mańǵystaý oblysy ákiminiń birinshi orynbasary Jumabaı Qaraǵaev jumys saparymen Túpqaraǵan aýdanyna qarasty Aqshuqyr jáne Saıyn Shapaǵatov aýyldaryna bardy. Birqatar áleýmettik nysandy aralap, aýyl turǵyndarymen kezdesti, - dep habarlaıdy Mańǵystaý oblysy ákiminiń baspasóz qyzmeti.

Aldymen Jumabaı Qaraǵaev Aqshuqyr aýylyndaǵy "Syıymdylyǵy 600 m3 bolatyn 8 qudyq sý ımaratynyń" jumysymen tanysty. Sý ımaratynda qýattylyǵy táýligine 1000 m3 sý tushytý qondyrǵysy jumys istep tur. Odan bólek aýylǵa irgeles jerde qýattylyǵy táýligine 5000 m3 sý tushytý zaýyty salyndy. Qazirgi tańda atalǵan zaýyttan qubyr tartý qurylysy júrip jatyr. Bul jumystar 2023 jyldyń maýsym aıynda aıaqtalady dep josparlanyp otyr. Qubyr tartý jumystary aıaqtalǵan soń qosymsha táýligine 5000 m3 sý alýǵa múmkindik bolady. Bul óz kezeginde sý tapshylyǵy máselesin sheshýge septigin tıgizedi.

Aqshuqyr aýylynyń ákimi Erkebulan Jánibektiń aıtýynsha, jalpy aýylǵa 3500 m3 aýyz sý qajet. Osy máseleni sheshý úshin 8 qudyq sý ımaratyna qosymsha árqaısysy 1000 m3 bolatyn 2 rezervýar salý josparlanyp, jobalyq-smetalyq qujattary jasaqtalýda.

Sodan keıin oblys ákiminiń birinshi orynbasary Aqshuqyr aýylynyń turǵyndarymen kezdesip, jeke máseleleri boıynsha qabyldaý ótkizdi.

Aýyl turǵyndary ekologııa, qoqys shyǵarý, jumyssyzdyq, kóshelerdi jaryqtandyrý máselelerin qozǵady.

Tústen keıin Jumabaı Qaraǵaev Saıyn Shapaǵatov aýyldyq okrýginde bolyp, 75 paıyzǵa aıaqtalǵan 500 oryndyq mádenıet úıiniń qurylysymen tanysty. Ǵımarat 2023 jyldyń birinshi jartyjyldyǵynda paıdalanýǵa beriledi. Osylaısha, aýyl balalary shyǵarmashylyq úıirmelerge qatysyp, kitaphanaǵa barýǵa múmkindik alady.

Sondaı-aq ol «Alıoka» JShS-nyń «AURA» demalys aımaǵyndaǵy sý tushytý zaýytynyń jumysymen tanysty. Zaýytta qosymsha 20 uńǵyma qazylyp, 1000 m3 rezervýar salynyp jatyr. Búginde 9 600 adam turatyn aýylǵa táýligine 3 000 m3 sý qajet. Alaıda, aýylǵa Aqtaý-Aqshuqyr-Saıyn Shapaǵatov sý qubyry arqyly 500-600 m3 sý berilýde. Eger «AURA» sý tushytý zaýyty iske qosylsa, táýligine 1300-1400 m3 sý úzdiksiz beriledi. Jaýapty mamandardyń aıtýynsha, joba sáýirdiń sońynda aıaqtalady.

Áleýmettik nysandardy aralaǵan soń oblys ákiminiń birinshi orynbasary Jumabaı Qaraǵaev Saıyn Shapaǵatov aýylynyń turǵyndarymen kezdesti. Jıynda Saıyn Shapaǵatov aýyldyq okrýginiń ákimi Saıran Qylysh 2022 jyly atqarylǵan jumystardy baıandady.

Aýyl ákiminiń aıtýynsha, aýylda 1 medısınalyq mekeme – dárigerlik ambýlatorııa, emhana, 3 mektep, 7 balabaqsha qyzmet kórsetedi. Iаǵnı, balalar 100 % balabaqshamen qamtylǵan, al úsh aýysymdy oqytýdy boldyrmaý maqsatynda 1 200 orynǵa arnalǵan jalpy bilim berý mektebi salynady.

Aýyl turǵyndarynyń basym bóligin aýyz sý, qańǵybas ıtterdi aýlaý, jumyspen qamtý, uıaly jáne ınternet baılanysynyń sapasyn arttyrý máseleleri tolǵandyrady.

– Jıynda eki aýyldyń turǵyndary óz ótinishterin aıtty. Aýyl turǵyndarynyń pikirin eskere otyryp, damý josparyna sáıkes jumys ári qaraı jalǵasady. Jedel áreketti talap etetin ózekti máseleler de bar. Eń aldymen aýyz sý tapshylyǵyna qatysty jumystar oryndalýy kerek, – dedi Jumabaı Qaraǵaev.