• USD 468.56

  • EUR 497.56

  • RUB 7.3

  • CNY 67.18

22 Maýsym, 13:26:38
Almaty
+35°

8 aqpanda aımaq basshysy Nurlan Noǵaevtyń qatysýymen kezekti keńeıtilgen alqa májilisi ótti. Onda bilim salasyndaǵy máseleler men bilim berý uıymdaryndaǵy órt qaýipsizdigi talqylandy, - dep habarlaıdy Mańǵystaý oblysy ákiminiń baspasóz qyzmeti.

Jıynǵa alqa múshelerimen birge aýdandyq, qalalyq bilim bólimderiniń, oqý-ádistemelik ortalyqtardyń, mektepter men oqý ortalyqtarynyń, mamandandyrylǵan uıymdardyń basshylary, oblys muǵalimderi, sondaı-aq úkimettik emes uıymdardyń ókilderi qatysty.

Bilim basqarmasynyń basshysy Dınara Jumashevanyń aıtýynsha, oblysta balabaqshalardaǵy oryn tapshylyǵy ózekti másele bolyp tur. Qazirgi tańda 351 mektepke deıingi uıymda 41 338 bala tárbıelenip jatyr. 2022 jyly 1 617 oryndyq 21 balabaqsha ashyldy (Aqtaý-14, Jańaózen-3, Munaıly-1, Mańǵystaý-1, Túpqaraǵan-2). Sońǵy 5 jylda mektep oqýshylarynyń sany 38 myńǵa jetken. О́tken jylmen salystyrǵanda segiz myńǵa artqan.

24 mektepte 9 056 oryn tapshylyǵy boldy. 2022 jyly 1 800 oryndyq 2 mektep (Aqtaý qalasyndaǵy 31 «A» shaǵynaýdanynda 1200 oryndyq, Munaıly aýdany, Basqudyq aýylyndaǵy «Jańa kelisim» shaǵynaýdanynda 600 oryndyq), 624 oryndyq 2 qosymsha qurylys (Atameken men Kúıken mektepteri 312 oryndyq) jáne 4 650 oryndyq 12 jekemenshik mekteptiń (Aqtaý-8, Munaıly-3, Túpqaraǵan-1) ashyldy.

2021 jyly oblysta úsh aýysymdy 18 mektep bolsa, 2022 jyly atalǵan kórsetkish 15-ke azaıǵan.

«Jaıly mektep» ulttyq jobasy arqyly mekteptegi oryn tapshylyǵy máselesin sheshý josparlanyp otyr. 2025 jyldyń sońyna qaraı 44 000 oryndyq 21 mektep jáne 1 800 oryndyq 3 bastaýysh mektep salynady.

Naqtylasaq, 2023 jyly 13 500 oryndyq 15 mekteptiń (eki aýysymda 27 000 oryn) qurylysy bastalyp, 2024 jyly paıdalanýǵa beriledi. Al 2024 jyly 9 400 oryndyq 9 mekteptiń (eki aýysymda 18 800 oryn) qurylysy bastalyp, 2025 jyly aıaqtalady.

Sonymen qatar jınalysta Mańǵystaý oblysy Tótenshe jaǵdaılar departamenti bastyǵynyń orynbasary Nurlybek Aıjaryqov baıandama jasady. Aıtýynsha, Tótenshe jaǵdaılar departamenti jyl saıyn bilim berý nysandarynyń órtke qarsy jaǵdaıyna monıtorıng júrgizedi. Oblys boıynsha 535 bilim berý nysany departament esebinde tur. Sonyń ishinde, byltyr 172 nysanǵa josparly tekserý júrgizilgen.

Tekserý nátıjesinde, 1 217 órt qaýipsizdigi normalaryn buzý faktisi anyqtaldy. Atap aıtqanda, Aqtaýda – 260, Mańǵystaýda – 179, Munaılyda – 163, Beıneýde – 140, Túpqaraǵanda – 99, Jańaózen qalasynda – 74. Anyqtalǵan zań buzýshylyqtar boıynsha 157 tulǵa ákimshilik jaýapkershilikke tartyldy.

Nurlybek Aıjaryqovtyń aıtýynsha, bilim berý nysandaryndaǵy órt qaýipsizdigi salasyndaǵy memlekettik baqylaý men órt qaýipsizdigi talaptary áli ózgermegen. Bilim berý nysandarynda órt avtomatıkasynyń aqaýy, evakýasııalaý úshin qaýipsiz jaǵdaıdyń bolmaýy, elektr jabdyqtaryn montajdaý jáne tehnıkalyq paıdalaný erejeleriniń buzylýy, órt qaýipsizdigi boıynsha qujattamanyń bolmaýy syndy buzýshylyqtar jıi kezdesedi.

Osy rette azamattyq qorǵaý organdarynyń qyzmetkerleri 5 myńnan astam adamǵa órt qaýipsizdigi erejelerin saqtaý jáne órt týyndaǵan jaǵdaıda áreket etý boıynsha 24 praktıkalyq oqý-jattyǵýy men 150-den astam nusqamalyq sabaq ótkizdi. Sonymen qatar balalarǵa 13 ınteraktıvti sabaq, 3 ashyq sabaq, órt sóndirý bólimderine 4 ekskýrsııa, 23 evakýasııalaý jattyǵýlary, balalar arasynda 5 jarys uıymdastyrdy. Oǵan 2,5 myńnan astam bala qatysty.

Oblys ákimi Nurlan Noǵaev eldiń bolashaǵy ustazdardyń kásibı sheberligi men adaldyǵyna baılanysty ekenin atap ótti.

– Memleket basshysy Qasym-Jomart Toqaev Mańǵystaý oblysyna sapary barysynda bilim sapasyn arttyrýdy tapsyrdy. Búgingi tańda 2021-2025 jyldarǵa arnalǵan «Bilim ult» ulttyq jobasy negizinde jergilikti atqarýshy organdar men ortalyq memlekettik organdar birlesip, balalardyń bilim alýyna qolaıly jaǵdaı jasaý, tárbıe boıynsha júıeli jumystar júrgizilip, tıisti sharalar atqarylyp jatyr. Balalarymyzdyń bolashaǵy bilim sapasyna baılanysty. Árıne, buǵan qol jetkizý úshin barlyq kúsh-jiger jumsalýy kerek. Mektepte bolashaqtaǵy tabystarymyz ben jetistikterimizdiń irgetasy qalanady, – dedi Nurlan Noǵaev.

"Qamshy" silteıdi
Ilmek sózder: Mańǵystaý oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir