• USD 468.56

  • EUR 497.56

  • RUB 7.3

  • CNY 67.18

17 Sáýir, 06:46:20
Almaty
+35°

7 aqpanda oblys ákimi Nurlan Noǵaevtyń tóraǵalyǵymen ótken apparat jıynynda óńirdegi áleýmettik mańyzy bar azyq-túlik taýarlary baǵasynyń ósýin baqylaý máseleleri talqylandy, - dep habarlaıdy Mańǵystaý oblysy ákiminiń baspasóz qyzmeti.

Jıyn barysynda Mańǵystaý oblysynyń kásipkerlik jáne saýda basqarmasynyń basshysy Janna Toqbaeva azyq-túlik baǵasyn turaqtandyrý boıynsha atqarylyp jatqan jumystarǵa toqtaldy.

Resmı málimetterge sáıkes, 2022 jyly áleýmettik mańyzy bar azyq-túlik taýarlarynyń baǵa ındeksi 124,8%-dy, al respýblıka boıynsha 122,7%-dy kórsetti.

2022 jyly baǵanyń kóterilýine geosaıası jaǵdaılar, kórshi elderdiń azyq-túlik ónimderin eksportqa ýaqytsha shekteý qoıýy, logıstıkalyq ózgerister jáne taǵy basqa da máseleler sebep bolǵan.

Janna Toqbaevanyń aıtýynsha, byltyr baǵany turaqtandyrý boıynsha birqatar shara qolǵa alynǵan. «Aınalym mehanızmi» boıynsha 9 túrli azyq-túliktiń ónimin jetkizýge 738,4 mln. teńgege tómen paıyzben qaryz berildi.

– Aptasyna eki ret Baǵa belgileý tizbeginiń deldaldyq shemalaryn tergep-tekserý jónindegi óńirlik komıssııanyń otyrysy ótkizildi. Áleýmettik mańyzy bar azyq-túlik taýarlarynyń ústemeaqysyn 15%-dan asyrǵany úshin 20 kásipkerlik sýbekti ıelerine ákimshilik hattama toltyryldy. Qazirgi tańda áleýmettik mańyzy bar taýarlardy belgilengen baǵamen satýǵa 10 kásipkerlik sýbektisine 8 túrli azyq-túliktiń 3816,2 tonnasyn óndirýge nemese jetkizýge kelisim-shart jasaldy, - dedi Janna Toqbaeva.

Oblys ákimi Nurlan Noǵaevtyń aıtýynsha, taýardyń óńirge kelgeninen bastap, tutynýshyǵa jetkizýdiń barlyq tizbegi boıynsha baqylaý júrgizilýi kerek.

Jıyn qorytyndysy boıynsha aımaq basshysy jaýapty tulǵalarǵa birqatar naqty tapsyrma berdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir