• USD 468.56

  • EUR 497.56

  • RUB 7.3

  • CNY 67.18

30 Mamyr, 07:26:54
Almaty
+35°

Foto: Mańǵystaý oblysy baspasóz qyzmeti

2 aqpanda Mańǵystaý oblysynyń ákimi Nurlan Noǵaev Sarǵa aýylyna bardy. Jumys saparynyń úshinshi kúni aýdan turǵyndarymen kezdesý ótkizdi, - dep habarlaıdy Mańǵystaý oblysy ákiminiń baspasóz qyzmeti.

Sarǵa aýylynda 1 600-den astam adam turady. Aýylda eki jalpy bilim beretin oqý orny bar. Onda 87 muǵalim 467 oqýshyǵa bilim beredi. Oǵan qosa mádenıet úıi men balabaqsha bar. Al dárigerlik ambýlatorııada 7 maman qyzmet kórsetedi. Aýylda 130-dan astam sharýa qojalyǵy men úsh jeke qosalqy sharýashylyq tirkelgen. Aýyl tolyqtaı elektr jaryǵymen qamtylǵan. Aldaǵy ýaqytta alty kósheni jaryqtandyrý, gaz qubyryn jańǵyrtý, joldardy jóndeý, oıyn alańdaryn abattandyrý josparlanyp otyr.

Aýyl turǵyndarymen kezdesýde ınfraqurylym, baılanys sapasyn arttyrý, úı janýarlarynyń jol boıyna shyǵyp ketpeýi, dárigerlerdiń jetispeýshiligi, mektep, balabaqsha, oıyn alańdaryn salý, «Qazposhta» mekemesiniń jumysyn jandandyrý máseleleri talqylandy. Sonymen qatar turǵyndardy gazdandyrý máselesi, jumystardyń tıisti deńgeıde júrgizilmeýi alańdatty.

j

Oblys ákimi Nurlan Noǵaev merdigerlerdiń jumysyn baqylaýdy kúsheıtýdi tapsyrdy.

- Eger qandaı da bir jumys bastalǵan bolsa, tehnıkalyq qadaǵalaý kún saıyn tańerteńnen keshke deıin baqylanýy kerek. Al qadaǵalaýshy organdardyń, merdiger kompanııanyń ókilderi men jumysty tekserip, qabyldaıtyndar únemi sonda bolýy kerek. Memleketten aqsha bólindi, tender ótkizildi. Jeńimpaz atanyp, aqsha alsańyz, qol qýsyryp otyrmańyz. Árkim óz jaýapkershiligin sezinýi kerek, – dedi Nurlan Noǵaev.

Nurlan Noǵaevtyń jumys sapary Beıneý aýylynda jalǵasty. Aımaq basshysy jergilikti halyqpen kezdesip, aýyl turǵyndary úsh aýysymdy oqytý máselesin talqylady.

Osy jaǵdaıdy sheshý úshin 2022 jyly Beıneý aýylyndaǵy «Atameken» jáne «Kúıken» orta mektebinde 312 oryndyq japsyrlas qosymsha qurylys salynyp, 2022 jyldyń qyrkúıek aıynda paıdalanýǵa berildi.

Bıyl «Jaıly mektep» ulttyq jobasy aıasynda aýdanda 1200 oryndyq 3 mektep salý josparlanyp otyr. Beıneý, Aqjigit, Eset, Syńǵyrlaý, Tájen aýyldarynda qurylys aıaqtalyp, ashyq sport alańdary paıdalanýǵa berildi. «Aýyl – el besigi» baǵdarlamasy aıasynda sport ınfraqurylymyn damytý maqsatynda Beıneý men Boranqulda sport zaldary salynýda.

Beıneý aýdanynda barlyǵy 11 densaýlyq saqtaý uıymy jumys isteıdi. Ár aýylda dárigerlik ambýlatorııa, feldsherlik-akýsherlik jáne medısınalyq pýnktter bar. Onda 123 dáriger, 514 maman jumys isteıdi. Aýyl turǵyndarynyń ótinishi boıynsha Beıneý aýylynda 250 oryndyq aýrýhana qurylysynyń jobalyq-smetalyq qujattamasy ázirlenýde.

«Bastaý Bıznes» kásipkerlik negizderi kýrstaryna 453 adam jiberildi. 2023 jylǵa arnalǵan memlekettik baǵdarlamalar arqyly barlyǵy 837 jańa jumys orny ashylady dep josparlanýda.

dj

Sam, Noǵaıty, Turysh aýyldaryn ortalyqtandyrylǵan sý qubyrymen qamtý maqsatynda qurylys-montaj jumystary aıaqtaldy. Búgingi tańda aýdan turǵyndarynyń 97,7 paıyzy ortalyqtandyrylǵan aýyz sýmen qamtamasyz etilgen. Jazǵy maýsymda Beıneý aýylynda aýyz sý tapshylyǵy baıqalady. Bul máseleni sheshý úshin Beıneý aýylynda ornalasqan sý tazartý qondyrǵysyna qosymsha 20 000 m3 sý qoımasyn salý josparlanýda. Qazir bul jobanyń jobalyq-smetalyq qujattamasy ázirlenip jatyr.

Sonymen qatar Beıneý aýdanynyń turǵyndarymen kezdesýde jol, aýrýhana salý, vokzaldardyń sapasyn arttyrý, halyqty jumyspen qamtý jáne t.b. máseleler sóz boldy.

Nurlan Noǵaev óz sózinde barlyq usynys eskeriletinin atap ótti.

– Ár aımaqtyń ózindik erekshelikteri men talaptary bar. Biz turǵyndardyń ótinishterin jınap, basymdyqtary men qajettilikterine sáıkes sheshim qabyldaımyz. Biraq olar ár aýdannyń, aýyldyń damý josparyna sáıkes júzege asady. О́zekti máseleler de bar. Máselen, birinshi kezekte aýyz sý, bala tárbıesine qatysty máselelerdi qolǵa alý kerek, – dedi oblys ákimi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir