24 Aqpan, 2023 NEWS
Fotokollaj
Jambyl oblysynyń prokýratýrasy «KOSPAEV» uıymdasqan qylmystyq top múshelerin memlekettik shekaradan ótkizgen tulǵany ustaǵanyn habarlady.
Qarjylyq monıtorıng agenttigi UQT músheleri Shalın, Imashev jáne Qospaevty QK-tiń 249 (reıderlik) jáne 262-baptarymen (uıymdasqan qylmystyq top qurý jáne qatysý) aıyptap, halyqaralyq izdeý jarııalanǵan.
Jambyl oblysy prokýratýrasynyń málimetinshe, kúdiktiler elden Jambyl oblysynyń aýmaǵynda ornalasqan memlekettik shekara arqyly shyǵyp ketken.
Prokýratýra dereginshe, kúdikteler memlekettik shekaradan 2022 jylǵy 6 tamyzda Sortóbe aýylynyń mańyndaǵy ózenniń taıaz jeri arqyly ótip ketken. Olarǵa kómektesken azamat anyqtalyp, ustalǵan.
"Kúdikti kinásin tolyq moıyndady, sotqa deıingi tergep tekserý jumystary jalǵastyrylýda jáne prokýratýranyń baqylaýynda" delingen habarlamada.
Beıresmı derekterde kúdiktilerdiń biri Eldos Qospaev Bolat Nazarbaevtyń oń qoly ekeni týraly aıtylady. Alaıda Bolat Nazarbaev jetekshilik etetin "Salıqaly urpaq" qory Nazarbaevtyń Eldos Qosbaevpen baılanysyn joqqa shyǵarady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir