• USD 468.56

  • EUR 497.56

  • RUB 7.3

  • CNY 67.18

17 Sáýir, 07:26:42
Almaty
+35°

Foto: Almaty oblysy ákiminiń baspasóz qyzmeti

Almaty oblysynyń ákimi Marat Sultanǵazıev Balqash aýdanynyń turǵyndarymen kezdesip, aýdandaǵy ónerkásip salasyndaǵy kórsetkishke toqtaldy.

Oblys ákiminiń sózine súıensek, atalmysh aýdan ónerkásiptegi óndiris boıynsha 9-shy orynda tur. Bul – oblys boıynsha eń tómen kórsetkishterdiń biri.

«Jaǵdaıdy tez arada qolǵa alýymyz kerek. Aımaqta et jáne sút óńdeıtin kásiporyn ashyp, mal sharýashylyǵyndaǵy ónimdilikti arttyrýdy qolǵa alý qajet» dedi Marat Sultanǵazıev.

Sonymen qatar, oblys ákimi «Aýyl amanaty» jobasynyń iske asý barysyna arnaıy toqtaldy.

Marat Eleýsizuly Balqash aýdanynda atalǵan baǵdarlamaǵa ótinim bergen adamdar sanynyń 257-i ǵana ekenin aıtty.

«Aýyl halqynyń turmysyn, ál-aýqatyn jaqsartýǵa arnalǵan baǵdarlamaǵa qatysýshylar sanyn arttyrý kerek, ol úshin óńirde aqparattyq nasıhat jumystaryn údete túsý qajet» dedi oblys ákimi Marat Sultanǵazıev.

Kezdesý kezinde nysanaǵa alynǵan kezekti sala ınvestısııa boldy.

Balqashtaǵy bul sala kenjelep tur. Aýdannyń oblystaǵy úlesi 0,9%-dy quraıdy. О́tken jyly aımaqqa 5,2 mlrd teńge ınvestısııa tartylǵan.

«Balqash aýdanynda ınvestısııa tartý isi men ShOB óndiretin ónim kólemi 2 paıyzǵa azaıǵan. Demek, ol osy baǵyttaǵy jumystardy kúsheıtý kerek degen sóz. Aýdan ákimine atalǵan máselege den qoıýdy tapsyramyn» dedi oblys ákimi.

Oblys ákimi nazar aýdarǵan máseleniń biri – halyqty turǵyn úımen qamtý isi boldy.

Aıtýynsha, aýdanda úı alýǵa 484 adam kezekte tur.

«Bıyl Baqanas aýylynda jalpy aýdany 6,1 myń sharshy metrdi quraıtyn 30 jalǵa beriletin jeke úı jáne bir 40 páterli úı iske qosylady. Jańa páterlerdiń kiltin 70 otbasy alady, onyń 55-i – áleýmettik osal top ókilderi» dedi óńir basshysy.

Foto: Almaty oblysy ákiminiń baspasóz qyzmeti

Oblys ákimi óńirde eldimekenderdi ortalyqtandyrylǵan sýmen qamtamasyz etý deńgeıi 92,7%-ǵa jetkenin, nátıjesinde respýblıkadaǵy eń joǵary kórsetkish Almaty oblysyna tıesili ekenin tilge tıek etti. Sonyń ishinde Balqash aýdanynyń 28 aýylynyń 20-sy sapaly aýyz sýmen qamtylǵan.

Kógildir otynǵa qol jetkizý isi áli kúnge ózekti taqyryp. Marat Eleýsizulynyń sózinshe, Balqash aýdanyndaǵy 13 eldimeken (25,7 myń adam) gazdandyrý tizimine engen. Búginde gaz qubyry Baqanas, Aqdala, Baqbaqty, Birlik aýyldaryna tartylyp kentishilik jeliler salyndy, biraq eki jyldan beri magıstraldyq gaz qubyrlarynda gaz joq.

«Gazdyń bolmaýynyń negizgi sebebi "Baqanas" avtomattandyrylǵan gaz taratý stansııasynyń ólsheý aspaptarynyń (manometrlerdiń) joqtyǵy, retteýshi jabdyq montajdalmaǵany jáne odorızasııa jabdyǵy qosylmaǵandyǵy. Qazirgi ýaqytta osy faktiler boıynsha "Akniet grupp" JShS-de aǵymdaǵy jyldyń 30 qańtarynda oblystyń ekonomıkalyq tergeý departamenti  tekserý jumystaryn bastady» dedi óńir basshysy.

Birshama qordalanǵan máselelerdiń baryna qaramastan Balqash aýdany birqatar kórsetkishter boıynsha kóshbasshylar qatarynda. Máselen, aýdan úlesine kúrish óndirisiniń 100%-y, jemshóp óndirisiniń 15%-y, asyl tuqymdy iri qara mal basynyń 18%-y, jylqy basynyń 10,4%-y tıesili.

Aıta ketý kerek, memleket salany damytýǵa aıtarlyqtaı qoldaý kórsetedi. Jyl saıyn 30 mlrd teńgeden astam sýbsıdııa bólinedi.

Máselen, ótken jyly Balqash aýdanynyń 506 aýyl sharýashylyǵy taýaryn óndirýshilerine 1,8 mlrd. teńge bólindi.

«2022 jyly aýdan boıynsha 379 sharýashylyqqa 1 362,6 mln teńgege sýbsıdııa tólendi. Aǵymdaǵy jyly aýdanda ınvestısııalyq salymdar kezinde shyǵyndardyń bir bóligin sýbsıdııalaý boıynsha 362 mln teńgege 106 aýyl sharýashylyq qurylymy ótinim berdi» dedi Marat Eleýsizuly.

О́ńirdegi jetekshi salanyń kórsetkisheterine sholý jasaǵan oblys ákimi, artynsha  jıylǵan qaýymnyń kókeıkesti saýaldaryna jaýap berdi.

Foto: Almaty oblysy ákiminiń baspasóz qyzmeti

Jurtty tolǵandyrǵan suraqtar qatary ınfraqurylym, jańa áleýmettik nysandardyń qurylysy  men halyqtyń turmysyn jaqsartýǵa qatysty boldy.

Almaty oblysy ákiminiń baspasóz qyzmeti

"Qamshy" silteıdi
Ilmek sózder: Almaty oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir