• USD 468.56

  • EUR 497.56

  • RUB 7.3

  • CNY 67.18

29 Naýryz, 09:50:53
Almaty
+35°

Almaty oblysynyń ákimi Marat Sultanǵazıev «KT&G» kompanııasymen «Almaty oblysynyń aýmaǵynda temeki ónimderin óndiretin zaýyt salý» jobasyn iske asyrý úshin yntymaqtastyq týraly Memorandýmǵa qol qoıdy, dep habarlady óńirdiń baspasóz qyzmeti.

120 jyldyq tarıhy bar kompanııa alǵashynda monopolııa bolyp qurylyp, qazirgi tańda memlekettiń qaramaǵyna ótken. Búgingi kúni olar halyqaralyq dárejede eń tabysty kompanııalardyń ishinde ekinshi orynda tur. «KT&G» Qazaqstanda tek temeki ónimderin shyǵaryp qana qoımaı, temekini qyzdyrýǵa arnalǵan qurylǵyny da óndiretin bolady.

Aıta keteıik, «KT&G» temeki ónimderin shyǵarýda Koreıada birinshi orynda turǵan kásiporyn.

«Qazirgi kezde birneshe halyqaralyq jobalardy júzege asyrý ústindemiz. Olardyń qatarynda ortalyq Azııa elderi, Indonezııa jáne Qazaqstanda bar. Qazaqstandaǵy bul bastamanyń alar orny erek deýimizdiń basty sebebi, Qazaqstan TMD elderiniń naq ortasynda ornalasqan. Bizdiń zaýytty salýdaǵy qarqynymyz kóz ilespes jyldamdyqta bolady, sondyqtan jaqyn arada Almaty oblysynda ónim óndirýdi bastap ketemiz degen oıdamyz», – dedi sheteldik óndiris qurylysynyń dırektory Iаng Jý Kım.

Foto: Almaty oblysy ákiminiń baspasóz qyzmeti

Zaýytty salýǵa jalpy quny 200 mln. dollar ınvestısııa tartylǵan. Joba sátti bolsa, 2030 jylǵa qaraı taǵy da dál osy kólemde qarjy quıý josparlanyp otyr.

«Sizderdiń aımaqta úlken jobany júzege asyrý biz úshinde mártebe. Jalpy kompanııaǵa keler bolsaq, «KT&G» tek zaýyt salýmen ǵana aınalyspaıdy. Bul kompanııa qyzmetkerlerdi arnaıy oqýdan ótkizip, eńbektiń qyr-syryna baýlyp, jergilikti turǵyndardy jumyspen qamtamasyz etedi», - dedi kompanııanyń atqarýshy vıse-prezıdenti Chı Bam O.

Atalmysh kásiporynǵa Boraldaı aýmaǵynan jer de qarastyrylǵan, jaqyn arada irgetasy qalanady dep kútilýde. Eń qýantarlyǵy ondaǵy qyzmetkerlerdiń 90 paıyzy jergilikti turǵyndar bolmaq. Bas-aıaǵy 200 jumys orny ashylady dep kútilýde.

Kompanııa ókilderiniń aıtýynsha, 16 jyl boıy olardyń tabysy jyl saıyn artyp keledi. Sózderine sensek, temeki ónimin shyǵarýdaǵy tabysy "Samsýng" kompanııasymen bir dárejede eken.

Oǵan dálel, óndiris oshaǵynyń 21 jyl ishinde Latyn Amerıkasyndaǵy tabysynyń 154 esege óskeni.

Kompanııa ókilderiniń sózine súıensek, bul zaýyt TMD elderinde temeki ónimin óndiretin aldyńǵy oryndaǵy kásiporyn bolmaq. Aldaǵy ýaqytta Almaty oblysynda óndirilgen ónimniń 50 paıyzyn eksportqa shyǵarý josparlanǵan.

Atalmysh zaýyttyń óńir ekonomıkasyndaǵy alar orny erek ekenin oblys ákimi Marat Sultanǵazıev te tilge tıek etti.

«Almaty oblysy ekige bólinip, jańa oblys ortalyǵy Qonaev qalasyna qonys aýdarǵanyna 8 aıdyń júzi boldy. Osy ýaqyt aralyǵynda biregeı jobalardyń iske asýyna sheshimder qabyldadyq. Bul kún de aımaq úshin asa mańyzǵa ıe. О́ıtkeni, ózara seriktestik qarym-qatynasty nyǵaıtý úshin memorandýmǵa qol qoıamyz», – dedi óńir basshysy Marat Eleýsizuly.

Foto: Almaty oblysy ákiminiń baspasóz qyzmeti

Zaýyttyń jalpy atqarar qyzmeti men ereksheligine toqtalǵan qos tarap sońynda eki jaqty memorandýmǵa qol qoıdy. Bas qujattyń aıasynda Almaty oblysynda taǵy bir iri zaýyt kerege jaımaq. Bul óz kezeginde óńirdiń áleýmettik-ekonomıkalyq jaı-kúıine oń áser eteri sózsiz.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir