09 Aqpan, 2023 Almaty oblysy
![](/media/2023/02/09/crop-18_640_396x704_185292d5-78c8-4293-86b5-d293c1c5e6cf.png?width=600&height=480)
Foto: Almatv oblysy baspasóz qyzmeti
Búgin oblys ákimi Marat Sultanǵazıev «Urban Living» JShS mamandarymen kezdesti. Basqosýda tanymal sáýletshiler qalany damytýǵa baǵyttalǵan josparlarymen bólisip, kózqarastaryn aıtty.
«Urban Living» JShS-niń bas arhıtektory – Marko Brýnellı. Al kompanııanyń seriktesi – Rıkardo Marını.
«Bizdiń seriktestik ýrbanıstik jáne qala qurylysy jobalaryn ázirleýge mamandanǵan konsaltıngtik kompanııa. Basty baǵyty – «pleısmeıkıng». Iаǵnı, adamdardyń qolaıly ómir súrýine jaǵdaı jasalǵan, kórneki nysandardyń syzbasyn jasaý arqyly qala qurylysyna aralasyp, týrızmdi damytý», – dedi sáýletshi Rıkardo Marını.
Onyń aıtýynsha, Qapshaǵaı sý qoımasynyń jaǵajaıynda iri nysandar turǵyzýǵa kirisý úshin aldymen topotúsirilim jasaý qajet.
«Kóldiń jaǵajaıyndaǵy aımaqtarǵa jaqsy tastar tóseýge qarjy quıýǵa bolady. Biraq, bul jumystyń esh nátıjesi bolmaıtynyn túsingenimiz jón. Eń aldymen, jaǵajaı men ǵımarattar aralyǵyndaǵy nysandardyń elge paıda ákeletin tustaryn oılastyrý qajet. Kóldiń jaǵasy adamdar úshin qaýipsiz aımaq bolýy tıis. Sonymen qatar munda basymdyq jaıaý júrginshilerge berilgenimen, shuǵyl kómek kórsetýshi avtomobılderdiń qozǵalysy da nazardan tys qalmaýy kerek. Biz qalanyń qazirgi jaı-kúıimen tanysar kezde topotúsirilimniń joqtyǵy jumysqa kedergi keltirdi. Joǵaryda aıtylǵan jobalardy júzege asyrý úshin topotúsirilim jasalýy kerek», – dedi sáýletshi.
О́ńir basshysy bul túsirilimniń mindetti túrde jasalatynyn, sodan soń ekijaqty kelissózder taǵy da júrgiziletinin aıtty.
«Bakýde eshteńesi joq jaǵajaı az ýaqyttyń ishinde ádemi demalys ornyna aınaldy. Ol jerde de qatelespesem, sizder alǵa tartyp otyrǵan prınsıpter boıynsha jumystar júrgizildi.
Arhıtektorlardyń usynǵan jobasy Qonaevtyń keńestik dáýirden shyǵyp, zamanaýı qalaǵa bet burýyna septigin tıgizetinine senimdimiz. Qapshaǵaıdyń jaǵajaıyn zerttep, joba jasaýǵa kúsh salǵandaryńyz úshin alǵysymdy bildiremin. Topotúsirilimnen keıin ózderińizben qoıan-qoltyq jumys jasaýǵa ázirmiz», – dedi Marat Sultanǵazıev.
Buǵan deıin «Urban Living» JShS Túrkistan qalasynyń master jobasyn jasaǵan. Sodan keıin joba ınvestorlardy tartý úshin paıdalanylyp, shaharda «Kerýen saraı» boı kóterdi.
Sáýletshiler týraly aıta ketsek, Rıkardo Marını – Anglııanyń qala qurylysy boıynsha Koroldik Instıtýtynyń jáne Shotlandııadaǵy Koroldik arhıtektorlar uıymynyń múshesi, arhıtektýra men qala qurylysynyń halyqaralyq sarapshysy. Ol Máskeý, Býenos-Aıres, Nıý-Iork sekildi iri qalalardaǵy birneshe jobanyń avtory.
Marko Brýnellı – arhıtektýra ǵylymynyń doktory, Italııanyń ekologııalyq qurylys keńesiniń múshesi. Dı Trento provınsııasy Ýnıversıtetiniń stýdenttik jataqhanalary sııaqty qoǵamdyq ǵımarattardy jobalaýmen aınalysqan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir