Buǵan deıin májiliske majorıtarlyq tártip boıynsha kandıdat atanýǵa tyrysqan jýrnalısti okrýgtik saılaý komıssııasy  konstıtýsııanyń "respýblıka aýmaǵynda sońǵy on jylda turaqty turyp jatqan bolýy kerek" degen 51-baby 4-tarmaǵyna saı emes dep, tirkeýden bas tartqan.

Konstıtýsııanyń dál sol baby men tarmaǵynda sońǵy on jylda el aýmaǵynyń bir jerinde turaqty túrde turǵan bolýy kerek degen talap joq. Ol jerde "Qazaqstan Respýblıkasynyń azamattyǵynda turatyn jáne onyń aýmaǵynda sońǵy on jylda turaqty turyp jatqan adam Parlament depýtaty bola alady" delingen.

Dýman Muhamedkárim saılaý komıssııasynyń bul sheshimine esh tańǵalmaıtynyn, tipti osylaı bolaryn bilgenin jetkizgen. Degenmen ol komıssııa sheshimine baılanysty sotqa shaǵym túsiretinin atap ótip, komıssııa sheshimi ózgermese, qujat tapsyrǵan ózge belsendi azamattarǵa aqparattyq turǵyda qoldaý kórsetýge ázir ekenin aıtqan.