Túrkııadaǵy jer silkinisinen qaza tapqandardyń sany 900-den asty

Túrkııada jer silkinisinen 900 -den asa adam qaza tapty, 5 myńnan astamy jaralandy. Bul týraly Túrkııa prezıdenti Rejep Taıyp Erdoǵan habarlady. 

"Búgin bolǵan jer silkinisi 1939 jylǵy Erzındjan jer silkinisinen beri Túrkııa tarıhyndaǵy eń úlken apat boldy. О́kinishke qaraı, qaza bolǵandar sany 912-ge jetti", - dedi Erdoǵan.

Onyń aıtýynsha, jel silkinisi bolǵan qalalarda 2818 ǵımarat qulaǵan.  

Prezıdent Qasym-Jomart Toqaev Erdoǵanǵa kóńil aıtyp, Úkimetke Túrkııadaǵy zilzalaǵa qatysty shuǵyl kómek kórsetýdi tapsyrdy. Syrtqy ister mınıstrligi men Tótenshe jaǵdaılar mınıstrligi túrik bıligimen baılanys ornatty. Jaqyn arada Túrkııa úkimetiniń ótinishi boıynsha zardap shekken óńirlerge qazaqstandyq qutqarýshylar men dárigerler ushady.