• USD 468.56

  • EUR 497.56

  • RUB 7.3

  • CNY 67.18

29 Naýryz, 00:13:55
Almaty
+35°

 

2022 jyldyń úshinshi toqsanynyń qorytyndysy boıynsha, tabysy eń tómengi kúnkóris deńgeıinen tómen úı sharýashylyqtarynyń sany bir jyl burynǵymen salystyrǵanda 4,5% ósip, 180,9 myńǵa jetti. Bul úı sharýashylyqtarynda 1 mln adam turady, kórsetkish bir jyl burynǵydan 2,9% kóp. Bul týraly Finprom.kz portaly habarlady.

Salystyrý úshin: bir jyl buryn osy kezeńde elde osyndaı tómen tabysy bar 173,2 myń úı sharýashylyǵy (bir jylda 7,5% azaıǵan) bolǵan. Bıylǵy kórsetkish byltyrǵy kórsetkishten joǵary, biraq 2020 jylǵy «koronadaǵdarys» kezinde eń joǵary kórsetkishke jetken kezdegiden tómen (187,2 myń úı sharýashylyǵy).

Foto: Finprom.kz portaly

2022 jyldyń úshinshi toqsanynyń qorytyndysy boıynsha, elimizdegi 3,6 myń úı sharýashylyǵynyń (bir jylda 62,7% azaıǵan) tabysy azyq-túlik sebeti qunynan tómen boldy. Bul úı sharýashylyqtarynda 24,8 myń adam turady, bul bir jyl burynǵydan 2,2 ese az.

О́ńirler boıynsha tabysy eń tómengi kúnkóris deńgeıinen tómen úı sharýashylyqtary Túrkistan oblysynda eń kóp: 25,4 myń, bir jylda 1% azaıǵan. Sondaı-aq kedeılik sheginen tómen turatyn halyq sany da osy óńirde: 191,1 myń adam.

Túrkistan oblysynan keıin eń nashar kórsetkishter Almaty qalasy (15,9 myń úı sharýashylyǵy, bir jylda 3,1% azaıǵan), Shymkent qalasy (14,6 myń úı sharýashylyǵy, 26% kóbeıgen), Mańǵystaý (12,9 myń úı sharýashylyǵy, 21,3% kóbeıgen) jáne Aqmola (12,6 myń úı sharýashylyǵy, 28,7% kóbeıgen) oblystarynda.

Tabysy az úı sharýashylyqtary eń az óńirler Ulytaý, Atyraý jáne Batys Qazaqstan oblystarynda.

2022 jyldyń úshinshi toqsanynda jan basyna shaqqandaǵy ortasha kúnkóristiń eń tómengi deńgeıi 46,7 myń teńgeni qurady, bul – bir jyl burynǵy kórsetkishten 26,9% artyq. Bul rette tutynýǵa jumsalǵan tabys 80,2 myń teńgeni qurap, bir jyl ishinde 14,3% ósti. Tutynýǵa paıdalanylǵan tabystyń eń tómengi kúnkóris deńgeıimen qatynasy QR-da orta eseppen 171,8%-dy qurady.

Tutynýǵa paıdalanylǵan tabys pen eń tómengi kúnkóris deńgeıiniń qatynasy eń joǵary óńirler Qaraǵandy oblysy: 233,6%. Ekinshi jáne úshinshi oryndarda Soltústik Qazaqstan oblysy (208,5%) jáne Almaty qalasy (206,7%).

"Qamshy" silteıdi
Ilmek sózder: kedeılik

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir