Jýrnalıst Irına Sovetjanqyzy depýtattyqqa úmitker atandy

Belgili telejýrnalıst Irına Sovetjan májilis depýtattyǵyna kandıdat atanbaq. Ol jalpy-ulttyq sosıal-demokratııalyq partııa atynan partııalyq tizim boıynsha usynylyp otyr.

JSDP jalpy jıyntyǵy 25 kandıdatty tizimge qosyp otyr. Onyń 19-y partııalyq tizim boıynsha, 6-aýy majorıtarlyq júıe boıynsha birmandattyq okrýgten túspek. Kandıdattar tizimin prezıdenttikke kandıdat bolǵan Nurlan Áýesbaev basqarady.

25 kandıdattyń deni respýblıka jurtshylyǵy úshin beımálim adamdar. Olardyń ishinde kásibı qyzmetimen de, azamattyq pozısııasymen de halyqtyq máselelerdi udaıy kóterip júrgenderdiń biri retinde Irına Sovetjandy ataýǵa bolady.

Irına Álimjanova Sovetjan Almaty oblysynyń týmasy. 31 arnadan shyǵatyn "Informbıýro" jańalyqtar qyzmetiniń tilshisi, "Sózdiń shyny kerek" baǵdarlamasynyń avtory ári júrgizýshisi. "Aıtylmaǵan áńgime", "Juldyzdy shańyraq", "Aıta bersin" baǵdarlamalarynyń redaktory bolǵan. Áleýmettik máselelerdi ótkir kóterip, ashyq aıtatyn qaısar jýrnalıst retinde kópke tanymal.