Foto: Ashyq derekkóz
Qoǵam belsendisi, quqyqtanýshy Inga Imanbaı tirkelmegen Demokratııalyq partııa ókilderi majorıtarlyq tártip boıynsha májilis saılaýyna kandıdattyqqa qujat tapsyratynyn málim etti.
"Parlamenttik saılaýǵa qatysamyz! Qadirli aǵaıyn! О́zderińizge málim, elde parlament saılaýy jarııalandy. Bıyl májiliske tek qana partııalyq tizimmen emes, jeke okrýgter boıynsha majorıtarly júıemen ótýge bolady. Úsh jyldan astam boıy kúressek te, bılik bizdiń partııany tirkegen joq. Quryltaı sezin ótkizemiz degende túrli arandatýlardy uıymdastyryp, ondaǵan belsendimizdi poıyzdan túsirip, aqyr sońynda jıynymyzdyń shyrqyn buzdy. Biraq, bul kúres toqtady degen sóz emes. Aldaǵy ýaqytta biz Demokratııalyq partııany resmı tirkeýden ótkizý jumysyn qaıta jandandyramyz", - dep jazdy Inga Imanbaı.
Onyń aıtýynsha, Dempartııanyń Almatydaǵy jaqtastarynan bólek, ózge de óńirlerdegi ókilderi kandıdat atanýǵa nıetti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir