Qazaqstandyq professor álemniń eń bedeldi ǵalymdarynyń reıtıngine endi

Jáńgir han atyndaǵy Batys Qazaqstan Agrarlyq-tehnıkalyq ýnıversıtetiniń  professory, tehnıka ǵylymdarynyń doktory Sársenbek Montaev «Álemdegi eń bedeldi ǵalymdardyń 2%» (World’s Top 2% Scientists) reıtıngine endi, dep habarlady Aýyl sharýashylyǵy mınıstrliginiń baspasóz qyzmeti.

Elsevier ǵylymı baspasynyń sońǵy málimetterine sáıkes, álemniń eń úzdik ǵalymdarynyń tizimin Stenford ýnıversıtetiniń sarapshylary qurastyrǵan. Reıtıng negizine ǵalymdardyń búkil bıblıometrııalyq málimetteri, mansabyndaǵy barlyq dáıeksózderi alynady.

Sársenbek Montaev keıingi jyldary BQATÝ-da jumys istep jatyr, qazir ýnıversıtettiń Indýstrıaldy-tehnologııalyq ınstıtýtyn basqarady.

Qurylys materıaldaryn óndirýde jańa tehnologııalardy ázirleýshi, sondaı-aq aýyl sharýashylyǵy maqsatyndaǵy jer topyraǵynyń qurylymdyq-mehanıkalyq qasıetterin jaqsartý jónindegi jobanyń basshysy qyzmetin atqarady.