• USD 468.56

  • EUR 497.56

  • RUB 7.3

  • CNY 67.18

23 Maýsym, 06:32:34
Almaty
+35°
2022 jyly Qazaqstanǵa kelgen sheteldik týrıster sany 3 ese ósti. Bul týraly Mádenıet jáne sport mınıstrliginiń alqa otyrysynda mınıstr Ashat Oralov málimdedi.
 
Ol sheteldik týrısterdiń jalpy sany 610 myń adamǵa jetkenin atap ótti. Salystyryp qaraǵanda, 2021 jylǵy osyndaı kezeńniń qorytyndysy boıynsha 9 aıda Qazaqstanǵa 208,5 myń sheteldik qonaq kelgen. Dınamıka 2022 jyly 1,3 mlrd. AQSh dollaryna deıin ósken qyzmet kórsetý eksportyna jaǵymdy áserin tıgizgen. 2021 jyly sol kezeńdegi eksport somasy 395 mln. AQSh dollaryn qurady.
 
 
– Árıne, pandemııadan keıingi kezeńdi de eskerý kerek. Biraq 2022 jyly jaǵdaı aıtarlyqtaı jaqsardy. Mınıstrlik Qazaqstan boıynsha «Qazaqstan Grand-týrynyń» negizine kiretin bes basym baǵytty ázirledi. Bul – qazirdiń ózinde suranysqa ıe tartymdy marshrýttar. Biraq olardyń barlyǵy kóptep keletin týrısterdi qabyldaýǵa daıyn dep aıtýǵa kelmeıdi. Sondyqtan biz ákimdiktermen birge ınfraqurylymdy jaqsartyp, tańdalǵan baǵyttar boıynsha týrıster úshin jaǵdaı jasaýdy josparlap otyrmyz. Sondaı-aq týrızm salasy qyzmetkerlerin oqytý jáne olardyń biliktiligin arttyrý, týroperatorlarmen birge maqsatty naryqtarda týrlardy ilgeriletý baǵytynda jumystar júrgiziletin bolady, –  dedi Ashat Oralov.
 
 
Sondaı-aq ol byltyr týrıstik demalys úshin túrli oryn ıeleriniń tabysy 160 mlrd teńgege deıin óskenin, bul 2021 jylǵy kórsetkishterden 60%-ǵa artyq ekenin atap ótti.
 
 
"Qamshy" silteıdi
Ilmek sózder: otandyq týrızm

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir