Jýrnalısterdi ıtke teńegen Bas prokýratýra qyzmetkeri eskertýmen qutyldy

Bas prokýratýranyń Ishki tergep-tekserý departamentiniń bastyǵy E.Aıtqulov Bas prokýratýranyń parlamenttegi resmı ókili Meırambaı Kemalovtyń jýrnalısterge dórekilik tanytýyna baılanysqy qandaı shara qoldanylǵanyn aıtty.

"Tekserispen anyqtalǵandaı, onyń is-áreketterinde Qazaqstan Respýblıkasynyń quqyq qorǵaý organdary qyzmetkerleriniń ádep kodeksiniń 8-tarmaǵynyń 13-tarmaqshasynda bekitilgen qyzmetker moraldyq-psıhologııalyq tózimdi, ustamdy bolýǵa, sýbordınasııany saqtaýǵa, áriptesterimen izettilik qarym-qatynasta bolýǵa, azamattarmen qarym-qatynasta sypaıylyq pen zeıindilik tanytýǵa tıis delingen talaptardyń buzylý belgileri bar.

Sonymen qatar, M.T. Kemalovtyń kóp jylǵy minsiz qyzmetin eskerip, oǵan qatysty qyzmettik tártip pen ádep normalaryn qatań saqtaý qajettiligi týraly eskertýmen shektelý jóninde sheshim qabyldandy" delingen jaýapta.

Budan buryn QR Bas prokýratýranyń Parlamenttegi resmı ókili Meırambaı Kemalov BAQ ókilderine aıqaılap, "Ket degende ıt te ketedi!" dep jekigen. Tilshilerdi ıtke teńegen sheneýniktiń vıdeosy jelide keńinen tarap, jýrnalıster onyń jaýapkershilikke tartýdy talap etip, Bas prokýroratýraǵa aryz joldaǵan.

Derekkóz: Ulysmedia.kz.