• USD 468.56

  • EUR 497.56

  • RUB 7.3

  • CNY 67.18

03 Aqpan, 10:49:48
Almaty
+3°

О́z kásibinde baqtalastaryn basyp ozatyn bıznes ókilderi búgin sportta básekege túsip kórdi, dep habarlady Almaty.tv saıty.

Alǵash ret uıymdastyrylǵan jarysqa 4 komanda qatysty. Oıynǵa demeýshiler shaǵyn syı-sııapattar da daıyndapty.

«Birinshi bastama bolǵandyqtan 4 komanda qatysyp jatyr. «Turan», «Dostar-1», «Dostar-2» jáne «Kókjaldar» komandasy. Biz endi syılyq aldyq, onyń syrtynda aqshalaı 100 myńnyń kóleminde syılyǵymyz bar», – dedi uıymdastyrýshy Aıbek Kamaluly

Oıyn óte tartysty ótti. Úsh komanda aǵa býyn ókilderinen tursa, jastar jaǵy bir komanda bolyp baq synasty. Ozyq oıynymen erekshe kózge túsken «Turan» toby 5-3 esebimen bas júldeni qanjyǵasyna baılady.

«Shetelden alys-jaqyn, Fransııadan, Reseıden, Irannan jan-jaqtan kelgen qandastarymyz osy Almatyda, Astanada talaı týrnır ótkizgen edik, jalǵasy. Oıyn barysynda ázirshe «Turan» komandasynyń aıaq alysy jaqsy», – dedi týrnırge qatysýshy Araı Toqtasyn.

«Ár qazaq meniń jalǵyzym» degen uıymdastyrýshylar maqsaty –  eldi buqaralyq sportty damytyp,  salaýatty ómir saltyn qalyptastyrý.

«Saýdada, kásipte júreıik, ár qazaq bar qazaq úshin jumys isteý kerek,  Otanǵa, Jańa Qazaqstanǵa jumys isteýi kerek. Tek qana sport emes, ónerde de artymyzdan ósip kele jatqan inilerimizdi, balalarymyzdy ultyn, Otanyn súıýge tárbıeleý»,– dedi týrnır uıymdastyrýshysy Erlan Tóleýbaı.

Uıymdastyrýshylar aldaǵy naýryz aıynda fýtboldan úlken týrnır ótkizýdi josparlap qoıǵan. Sondaı-aq túrki jastarynyń quryltaıyn ashýdy oılap otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir