• USD 468.56

  • EUR 497.56

  • RUB 7.3

  • CNY 67.18

03 Aqpan, 10:36:01
Almaty
+3°
 
Almatyda Qazaqstannyń resmı laýazym ıeleri elge jumys saparymen kelgen Brıtan parlamentarıılerimen kezdesýden bas tartyp, olardyń Janbolat Mamaımen jolyǵýyna ruqsat bermeýine baılanysty jıyn ótti.
 
Quqyqqorǵaýshy Inga Imanbaı taratqan aqparatqa saı, belsendi Janbolat Mamaıdyń ne úshin qamalǵanyn Tekserý boıynsha Brıtan parlamentarıılerinen qurylǵan úkimettik emes komıssııa Qazaqstanda úkimettegi resmı ókildermen jáne tergeý barysyndaǵy kýágerlermen kezdesýdi josparlaǵan. Alaıda 16 qańtar kúni keshke komıssııaǵa sebebi esh túsindirilmesten barlyq resmı kezdesýler ótpeıtini jáne Janbolat Mamaımen kezdesýge berilgen ruqsat kúshin joıatyny týraly habarlama kelgen.
 
 
 
 
– Burynyraq Qazaqstannyń Londondaǵy Elshisi Komıssııanyń Qazaqstanǵa saparyn bári quptaıdy jáne bılik joǵary deńgeıde seriktestik tanytýǵa daıyn dep bizdi sendirgen bolatyn. Biz Qazaqstanǵa kelgenimizben, úkimet pen quqyq qorǵaýshy orǵandar basshylyǵymen josparlanǵan kezdesýlerimizdi, esh sebebin túsindirmesten, qysqa habarlama ǵana jiberip, boldyrmaı tastady. Bizdi barynsha mazalaıtyn taǵy bir fakt, ol erterekte bizdiń Mamaı myrzamen kezdesýimizge ruqsat bergen sot, óziniń ol sheshiminen bas tartty. Munysy qazaq bıliginiń talabyn oryndaǵany bolar dep oılaımyz. Biz bul áreketterdi ózimizdi syılamaǵandyq dep sanaımyz. Soǵan qaramastan, biz qazaq azamattyq qoǵamynyń ókilderimen, 2022 jylǵy qańtar oqıǵasynyń kýágerlerimen, sonymen birge, Mamaı myrzany qamaýǵa alǵan jáne onyń qamaýda otyrǵany boıynsha istiń kýágerlerimen kezdesýlerimizdi jalǵastyryp jatyrmyz jáne osy ister jónindegi ózimizge qajet dálel-dáıekter qolymyzǵa tıip jatyr. Qazaq bıliginiń mundaı áreketterine qaramastan, biz óz jumysymyzdy sońyna deıin jetkizip, Mamaı myrzaǵa qatysty naqty dálelderge súıene otyryp jasalǵan táýelsiz esebimizdi daıyndap shyǵamyz. Men ózimizdi Qazaqstanda kútip alyp, bılik sııaqty emes, kerisinshe bizdiń tergeý-tekserý jumysymyzǵa barynsha sebin tıgizgen barsha janǵa alǵysymdy bildiremin, – dedi komıssııa tóraǵasy Lord Makdonald.
 
Komıssııa músheli 17 qańtarda Astanada syrtqy ister mınıstriniń orynbasary Roman Vasılenkomen, Parlamenttiń syrtqy ister, Qorǵanys jáne Qaýipsizdik jónindegi Komıssııasynyń tóraıymy Aıgúl Quspanmen, sondaı-aq, quqyq qorǵaýshy organdardyń basshylarymen kezdesýler josparlaǵan. Alaıda 16 qańtar kúni keshke Komıssııa barlyq resmı kezdesýlerdiń bolmaıtyny týraly habarlama alǵan. Onyń sebepteri kórsetilmegen.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir