Foto: Ashyq derekkóz
Jańa Zelandııanyń premer-mınıstri Djasında Ardern otstavkaǵa ketetinin málimdedi. Ol otstavkaǵa ketý sebebin "qyzmetimdi jalǵastyra beretin bolsam, paıdamnan góri zııanymdy tıgizemin" dep túsindirdi, dep jazady BBC.
42 jastaǵy Ardern premer-mınıstrlik bolǵan 6 jyl óte aýyr ótkenin, qyzmet ózin qajytqanyn jetkizdi. Ol 7 aqpanǵa deıin Leıborısttik partııadaǵy ornyn bosatady. Jaqyn arada premer-mınıstrdi taǵaıyndaý boıynsha daýys berý ótedi. Al 14 qazanda Jańa Zelandııada jalpy saılaý ótetin bolady.
Ardern sheshimdi jazǵy demalys kezinde qabyldaǵanyn aıtty.
"Qyzmetimdi ári qaraı jalǵastyrý úshin kúsh-jigerim jetedi dep oıladym. Alaıda úmitim aqtalmady. Eger qyzmetimdi jalǵastyra beretin bolsam, elime zııanym tıedi. Sebebi meniń kúshim qalmady", deıdi Djasında Ardern.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir