"Respublica" partııasy resmı túrde tirkeldi

Tanymal medıa turǵalar men kásipkerler bastaǵan "Respublica" partııasy resmı tirkeýden ótti. Bul týraly partııa tóraǵasy Aıdarbek Hodjanazarov habarlady. 

"Dostar, súıinshi! Bizdiń resmı ókilimiz Astana qalasynyń HQKO-nyń birinde Respublica partııasynyń tirkeý qujattaryn qolyna aldy. Endi biz – elimizdiń jańa, resmı tirkelgen saıası kúshimiz! Bul uzaq aptalar men aılap kútken jáne birneshe ret tirkeýge jiberilmegen sátsizdikterden keıingi – ortaq ortaq jeńisimiz! Alaıda, bul synaqtar bizge tek qana kúsh berdi", dep jazdy ol. 

"Respublica" partııasy byltyr tamyz aıynda qurylǵan. Partııa quramynda Syrymbek Taý, Rýslan Berdenov, Maksım Baryshev, Dınara Shókıjanova, Qýanysh Shonbaı, Beıbit Álibekov jáne Nurlan Qoıanbaev sekildi kásipkerler men medıa tulǵalar bar. Partııaǵa  aýyl sharýashylyǵy óndirýshisi, "Olja Agro" kompanııasynyń basshysy Aıdarbek Hodjanazarov tóraǵalyq etedi.