Kórneki sýret
"Atameken" saraptama qyzmeti Qazaqstandaǵy kedeılik shegi týraly resmı statıstıka halyqaralyq standarttan 4 esege kem ekenine nazar aýdardy.
Ulttyq statıstıka bıýrosynyń málimetinshe, 2022 jylǵy III toqsan qorytyndysy boıynsha tabysy eń tómengi kúnkóris deńgeıinen (46 671 teńge) az (kedeıshilik shegi) azamattar 5,3 paıyzdy (1 034 700 adam) quraǵan.
Turmysy tómen azamattar ásirese Túrkistan (9,1%), Mańǵystaý (8,8%) oblystarynda, Shymkent qalasynda (7,2%) turady.
Alaıda Búkilálemdik bank mamandary 2020-2022 jyldar aralyǵynda júrgizgen saýalnama nátıjesinde halyqtyń 23 paıyzy ózin kedeı kategorııasyna jatqyzatyny belgili bolǵan. Búkilálemdik bank Qazaqstan úkimetin shynaıy jaǵdaıdy dál kórsetý úshin kedeılik shegin anyqtaý tásilin ózgertýdi usynady.
Mundaı usynysty otandyq sarapshylar da aıtyp keledi. Qarjyger Jasulan Kýshebaevtyń aıtýynsha, kedeılikti anyqtaýdaǵy Qazaqstan qoldanatyn tásil kedeılik shegin tómendetip kórsetedi, halyqaralyq standartqa saı kelmeıdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir