SIM: Janbolat Mamaı isin tergeý úshin kelgen Ulybrıtanııa komıssııasynyń eshqandaı resmı róli joq

Syrtqy ister mınıstrligi ulybrıtanııalyq komıssııanyń "Qańtar" oqıǵasy men belsendi Janbolat Mamaıdyń tergeýi boıynsha Qazaqstanǵa kelýi týraly týraly bildirdi. 

Aıbek Smadııarov Ulybrıtanııa parlamentinde Janbolat Mamaıdyń isin tergeý úshin qurylǵan resmı komıssııa joq ekenin aıtty. 

"Mundaı komıssııa Ulybrıtanııa parlamentinde de, úkimetinde de resmı túrde qurylmaǵan. Qazaqstannyń anonımdi azamattary tobynyń tapsyrysy boıynsha tergeý júrgizetin Bindmans LLP atty zań kompanııasy bar. Bul qandaı kompanııa jáne olar ne isteıdi, sizder ınternetten kórip alasyzdar. Al brıtandyq taraptyń aqparatyna sáıkes, bul komıssııa dep atalatyn top eldiń parlamenti nemese úkimetiniń múddesin bildirmeıdi. Bul komıssııanyń eshqandaı resmı róli joq", dedi mınıstr. 

Búgin Almatyǵa Qańtar oqıǵasyn jáne belsendi Janbolat Mamaıdy qylmystyq qýdalaý isin tergeý boıynsha Ulybrıtanııa Lordtar palatasynyń múshesi Ken Makdonald (Lord Macdonald KT KC of River Glaven) bastaǵan Komıssııa ókilderi kelgen.

Quqyqqorǵaýshy, oppozısııalyq saıasatker Janbolat Mamaıdyń zaıyby Inga Imanbaı Ulybrıtanııa parlamenti depýtattary qurǵan Komıssııanyń elge kelýi halyqaralyq qaýymdastyq Qazaqstandaǵy jappaı adam quqyǵyn buzý jaǵdaılaryna kóz jumyp qaramaıtynyn bildiredi dep sanaıdy.