Májilis depýtattary, «Aq jol» QDP parlamenttik fraksııasy músheleri Azat Perýashev pen Qazybek Isa Bas prokýratýra men Ishki ister mınıstrligine belsendi Abzal Dostııarov pen onyń jas qyzyn ustaýdyń zańdylyǵyna tekserý júrgizýdi, Almaty qalasy polısııa departamenti qyzmetkerleriniń is-áreketterine quqyqtyq baǵa berýdi, onyń nátıjeleri boıynsha tıisti áreket sharalaryn qabyldaýdy surap, depýtattyq saýal joldady.
"О́tken aptada, 2023 jyly 5 qańtar kúni Almaty qalasy polıseıleriniń belsendi azamat Abzal Dostııarovty tańerteń tórt jasar qyzyn balabaqshaǵa aparar kezde ustap alyp, qyzymen qosa polısııa bóliminde uzaq ustaǵanyna qarsy áleýmettik jelide narazy jazbalar jarııalandy. Solardyń qatarynda, aqyn
Tanagoz Tolkynkyzy da feısbýk paraqshasynda bizdiń atymyzǵa saýal jasaǵan eken. Sol jazbaǵa jáne sol kúni habarlasqan Qamshy.kz saıty tilishisine bergen jaýabymyzda aıtqandaı, «Aq jol» fraksııasy bul máselege baılanysty shara qoldanýdy talap etip, depýtattyq saýal joldady" dedi depýtat jelidegi jazbasynda.
Depýtat aıtqandaı, bolǵan oqıǵa áleýmettik jelide birshama rezonans týdyrǵanyna qaramastan quzyrly organdar oqıǵa týraly lám-mım demedi.
Quqyqqorǵaýshy Marjan Aspandııarovanyń aıtýynsha, belsendini 4 jasar qyzymen qosa kúshtep áketý polısııa qyzmetkerleriniń tómengi moraldyq-etıkalyq kelbetinen habar beredi, al polısııa qyzmetkerleriniń osyndaı áreketteriniń qaıtalanýy men oǵan laıyqty quqyqtyq baǵa bermeý azamattyq qoǵamdy úreılendirý, saıasattan alshaqtatý úshin jasalady.
– Bılik bir jaǵynan zańsyzdyqty osylaı kópshilikke jarııa túrde jasaý arqyly kimde-kim belsendi bolsa, oıyn ashyq aıtyp, bılikke talap qoısa, kóretini osy bolady, osylaı aıamaımyz degendi ashyq túrde kórsetip otyr. Sol úshin de buǵan durys quqyqtyq baǵa bermeıdi. Eger ózderiniń zańsyz áreketin moıyndasa, ózge de belsendiler kórgen zańsyzdyqtary týraly aıta bastaýy múmkin. Al ondaılar óte kóp. Qazaqstanda belsendilerdi qýdalaýdyń túr-túrin kórip júrmiz, – deıdi ol.
Pikir qaldyrý
pikir