• USD 468.56

  • EUR 497.56

  • RUB 7.3

  • CNY 67.18

17 Sáýir, 06:07:45
+35°

Búgin alǵash ret «Rýhtastar» jastar syılyǵynyń ıegerlerin marapattaý rásimi ótti. «AMANAT» partııasynyń «Jastar Rýhy» jastar qanatynyń úzdik volonterleri men belsendileri qoǵamdyq qyzmeti, elimizdegi jastar saıasatynyń damýyna qosqan úlesi úshin músinshe men sertıfıkatqa ıe boldy.

«AMANAT» partııasy jastar qanatynyń kezekten tys VI Sezinde Qazaqstan Prezıdenti Qasym-Jomart Toqaev jastar úshin úsh mańyzdy basymdyqty atap ótken bolatyn. Olar – tereń bilim, eńbekqorlyq jáne otanshyldyq qasıet. Sol kezde jastar qanatyn transformasııalaý baǵdarlamasy qabyldandy.

Is-sharany ashqan «AMANAT» partııasynyń Atqarýshy hatshysy Ashat Oralov jastar damýdyń negizgi qozǵaýshy kúshi sanalatynyn atap ótti.

jgc

«Ádiletti Qazaqstan bilimdi jáne eńbekqor jastardyń kúshimen qurylady. Eldegi barlyq bastamalar men reformalar jastarmen birge iske asyrylyp keledi. Jas qazaqstandyqtar óz qarym-qabiletin tanytý úshin barlyq múmkindikke ıe bolýy tıis. Sondyqtan, bıyl alǵash ret ótkizilip otyrǵan «Rýhtastar» syılyǵy jas azamattardy belsendi qoǵamdyq qyzmetke yntalandyrýǵa jáne jastardy ortaq, jasampaz qundylyqtar tóńireginde toptastyrýǵa baǵyttalǵan»,dedi Ashat Oralov.

Osylaısha, «Qaısar» jyl batyry nomınasııasyn boıynsha Jańaózen qalasynyń polısııa aǵa leıtenanty Álibek Basbaev jeńiske jetti. Ol óz ómirine qater tónip turǵanyna qaramastan, úshinshi qabattaǵy páterdiń terezesine kóterilip, qulap ketýge shaq qalǵan aýtıst balany qutqaryp qaldy.

«Polısııa bólimine habarlama kelip tústi. Onda tereze aldynda erekshe bala turǵany jáne esikti óz betinshe asha almaıtyny aıtyldy. Biz birden oqıǵa ornyna keldik. Men ekinshi qabattaǵy kórshi páter arqyly úshinshi qabatqa kóterildim. Sóıtip, balany aman-esen anasyna tabys ettik. Bul bizdiń kúndelikti jumysymyz. Marapat týraly oılaǵan da emespin», – dedi Álibek Basbaev.

fbs

«Nurly aqyl» jyl stýdenti nomınasııasy boıynsha joǵary úlgerimi men belsendi qoǵamdyq qyzmeti úshin Semeı qalasynyń stýdenti Medına Beıimbetova marapatqa ıe boldy. Ol búginde Jetisý ýnıversıtetindegi «Start up akademııanyń» rezıdenti. Sondaı-aq, robototehnıka mektebinde jumys isteıdi. Buǵan qosa, oqýshylardy túrli olımpıadalar men jarystarǵa daıyndaıdy.

О́skemen qalasynan kelgen Syrym О́mirzaqov «Ystyq qaırat» eńbek adamy nomınasııasynda jeńiske jetti. Syrym qalalyq JEO-da jetekshi ınjener bolyp jumys isteıdi. Sondaı-aq, ol jumys istep qana qoımaı, jastar arasyndaǵy qyzmetin de utymdy úılestirip júr.

brsb

«Jyldyń ekobelsendisi» nomınasııasynda Qostanaı oblysynyń Fedorovka aýylynyń kásipkeri Naýryzbek Birmaǵambetov jeńiske laıyq dep tanyldy. Onyń esebinde qorshaǵan ortany qorǵaý boıynsha kóptegen jobalar men is-sharalar bar.

Al «Jyldyń áleýmettik jobasy» nomınasııasy boıynsha jeńisti Petropavl qalasynan kelgen stýdent, «Barshaǵa arnalǵan ǵylym» jobasynyń jetekshisi Valerııa Astapova jáne «Tahtay Team» jekpe-jek klýbynyń negizin qalaýshy, MMA kásibı sportshysy, Astanadan kelgen Vasılıı Tahtaı bólisti.

hth

Astana qalasynan kelgen stýdent Dıas Túgelbaev pen Taraz qalasynan kelgen Aıaýlym Rasylhan «Rýhty belsendi» jyl belsendisi nomınasııasy boıynsha jyldyń úzdik belsendileri atandy.

«Pandemııanyń asa aýyr kezeńinde kún saıyn 300-den astam otbasyǵa ystyq tamaq jetkizip júrdik. Kópbalaly jáne az qamtylǵan otbasylarǵa, zeınetkerlerge jáne erekshe qajettilikteri bar adamdarǵa 120 myńnan astam medısınalyq maska tarattyq. Al úıden shyǵa almaǵandarǵa azyq-túlik pen dári-dármek jetkizdik. Meniń oıymsha, árbir qazaqstandyq azamat belsendi bolyp, aınalasyndaǵy jaǵdaıǵa beı-jaı qaraı almaýy kerek. «AMANAT» partııasynda eńbegimdi elenip jatqanyna qýanyshtymyn», – dedi Aıaýlym Rasylhan.

«Rýhtastar» syılyǵy aıasynda «Jyly júrek» nomınasııasy boıynsha Oral qalasynyń turǵyny Talǵat Shýdaba jáne Qaraǵandydan kelgen stýdent Aqsanat Tólesova úzdik volonterler atandy. Belgili belsendi azamat, «Belgisiz Qazaqstan» blogynyń avtory, astanalyq Dıas Kamerıdanov «Medıa salasynyń úzdigi» nomınasııasy boıynsha jeńimpaz dep tanyldy.

«Qaıyrymdylyq jáne volonterlik isimen 7 jyldan beri aınalysyp kelemin. Biz muqtaj adamdardy azyq-túlikpen qamtyp, kómek kórsetemiz. Sondaı-aq, shalǵaı aýyldarda qudyq qazamyz. Budan ózge de áleýmettik jobalardy qolǵa alyp júrmiz. Men úshin volonterlik qyzmet – júrek qalaýy», – dedi Talǵat Shýdaba.

Sonymen qatar, M. Áýezov atyndaǵy Ońtústik Qazaqstan ýnıversıtetiniń bólimshesi jáne Almaty qalasy Áýezov aýdandyq bólimshesi «Jastar Rýhy» jastar qanatynyń úzdik bólimshesi bolyp tanyldy.

«Rýhtastar» syılyǵy – bul jaı ǵana jaqsy dostarmen júzdesý jáne belsendilerdiń eńbegin qurmetteý emes. Bul – shalqar shabyt, áleýmettik jumyspen aınalysýǵa, muqtaj jandarǵa kómektesýge, úırenýge, ıgi jumys isteýge jáne armandaýǵa yntalandyrý. Osy shabyt uzaq ýaqyt qanattandyrady dep senemin motıvasııa maǵan uzaq ýaqyt jetedi», – dedi Ońtústik Qazaqstan ýnıversıteti janyndaǵy «Jastar Rýhy» bóliminiń basshysy Gúlrýh Kýdratýllaeva.

«Jastar Rýhy» jastar qanatynyń Pavlodar jáne Aqmola oblystaryndaǵy fılıaldary «Úzdik fılıal» nomınasııasy boıynsha jeńimpaz atandy.

«AMANAT» partııasynyń baspasóz qyzmeti

 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir