08 Jeltoqsan, 2022 NEWS
Foto: Ashyq derekkóz
Prezıdent jarlyǵymen Qaraǵandy qalasynyń ákimi bolyp kelgen Ermaǵanbet Qabdululy Bólekpaev Qaraǵandy oblysynyń ákimi laýazymyna taǵaıyndaldy.
Buǵan deıin oblysty basqaryp kelgen Jeńis Qasymbek basqa qyzmetke aýysqany, joǵarylaǵany ne tómendegeni týraly aqparat ázirge joq. Qasymbek ákim laýazymyna usynylǵan kandıdattar arasynda da bolmady.
Al Ermaǵanbet Bólekpaev osy óńirdiń týmasy. 1975 jyly 2 qyrkúıekte Qaraǵandy oblysy Shet aýdany О́spen aýylynda dúnıege kelgen. 1996 jyly E. A. Bóketov atyndaǵy Qaraǵandy memlekettik ýnıversıtetiniń ekonomıka fakýltetin bitirgen.
QR Memlekettik qyzmet isteri agenttiginiń Qaraǵandy, Ońtústik Qazaqstan oblystary jáne Astana qalasy boıynsha basqarmasy aýmaqtyq basqarmasynyń bastyǵy-Tártiptik keńesiniń tóraǵasy qyzmetin atqarǵan.
Ár jyldary Astanadaǵy «Saryarqa», «Almaty» jáne «Esil» aýdandarynyń ákimi, prezıdent ákimshiliginiń memlekettik ınspektory, Qaraǵandy oblysy ákiminiń orynbasary bolǵan.
Sońǵy qyzmeti – Qaraǵandy qalasynyń ákimi. Oǵan 2020 jylǵy qyrkúıekte taǵaıyndalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir