Foto: bbc.com
Sheshenstan basshysy Ramzan Qadyrovty synap júrgen oppozısııalyq bloger Týmso Abdýrahmanovty atyp ketti. Bul týraly 1ADAT telegram arnasy habarlady. Aqparatty blogerdiń jaqyndary da rastap otyr. Buǵan deıin 2020 jyly blogerdiń ómirine qastandyq jasalyp, Shvesııadaǵy páterine shabýyl jasalǵan.
Shvesııanyń quqyq qorǵaý organdary aqparatqa qatysty ázirge resmı málimdeme jasamady. Abdýrahmanovty jeltoqsannyń 1-nen 2-sine qaraǵan túni Shvesııada atyp óltirgen.
"Birneshe kúnnen beri Týmsonyń ólimine qatysty ózimiz zertteý jumystaryn júrgizdik. Alǵashynda onyń ólimine sene almadyq. Qazir bizdiń qolymyzda qaıǵyly oqıǵaǵa baılanysty jetkilikti aqparat bar. Al onyń aǵasy Muhammadty arnaıy qyzmet jasyryp qoıdy. Alaıda aqparattardy ózimizdiń jáne jaqyndarymyzdyń qaýipsizdigi úshin jarııalaı almaımyz", delingen telegram arnadaǵy habarlamada.
Shvesııada turatyn Týmso Abdýrahmanov 2 jeltoqsannan beri habarsyz ketken. Sol kezde onyń óltirilgeni týraly habar tarady.
"Týmsony túnde bir top adam atyp óltirgen. Qazir oqıǵanyń mán-jaıy anyqtalýda", dep jazady 1ADAT telegram arnasy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir