• USD 468.56

  • EUR 497.56

  • RUB 7.3

  • CNY 67.18

29 Naýryz, 14:54:15
Almaty
+35°

Qazaqstanda taǵy bir saıası partııa paıda bolýy múmkin. Ádilet mınıstrligi "Halyq derbestigi" jańa partııasyn tirkeý – qujattardy saraptaý satysynda ekenin habarlady, dep jazdy KazTAG agenttigi.

"Bıyl "Halyq derbestigi" saıası partııasynan memlekettik tirkeýden ótý týraly ótinish tústi, qazirgi ýaqytta quryltaı qujattaryna saraptama júrgizilýde" delingen habarlamada.

Saıası uıym jetekshisi eks-depýtat, 2019, 2022 jylǵy prezıdent saılaýlarynda kandıdat retinde tirkelmek bolyp, tirkele almaǵan – Jumataı Álıev.

Mınıstrlik málimetinshe, jyl basynan beri 10 bastamashyl toptan partııa qurý týraly habarlama kelip túsken. Olardyń tórteýine tirkeý boıynsha kelesi kezeń prosedýralaryn júzege asyrýǵa ruhsat berilgen.

Kelesi kezeńge jiberilgen bastamashyl toptyń ishinde "Baıtaq" jýyrda ǵana resmı túrde partııa retinde tirkeldi. О́zderin ekologııalyq máselelerdi kóteretin jasyldar partııasy retinde tanytyp júrgen saıası uıym jetekshisi Azamathan Ámirtaı tirkelgennen keıingi baspasóz máslıhatynda "prezıdentke Ádiletti Qazaqstandy birge qurýǵa kómektesemiz" dedi. Táýelsiz sarapshylar "Baıtaq" elde saıası reforma júzege asyp jatqanyn kórsetý úshin qurylǵan bılikshil partııa, shyn máninde bul – saıası reforma ımıtasııasy ǵana ekenin aıtady.

Al bılikti, úkimettiń jekelegen múshelerin jıi synaıtyn saıasatanýshy Sanjar Boqaevtyń "Namys" partııasy quryltaı ótkizip, bastamashyl toptyń 700 múshesin jınaı almady. Saıasattanýshy "Qazaqstanda partııa qurý úshin ákimshilik kedergiler kóp, 700 múshe demokratııalyq elder turmaq, kórshiles elderde joq talap" deıdi.

Oppozısııalyq saıasatker Jasaral Qýanyshalın bastaǵan top ózderiniń "Alǵa, Qazaqstan" partııasy bastamashyl tobyn tirkeı almaı júr. Saıasatker buny bılik ádeıi jasap otyr dese, Ádilet mınıstrligi belsendilerdiń qujatynda shıkilik bolǵan soń kerip qaıtardyq deıdi.

Partııa qurý týraly habarlama ótkizgen ózge bastamashyl toptar týraly aqparat az.

Budan bólek bıyl saıasatker Muhtar Taıjan "Jer qorǵany", kásipker Bolat Ábilov "Bizdiń tańdaý", marqum saıasatker Baltash Tursymbaı "el men jer" partııasyn quratynyn týraly málimdegen.

Qazirgi ýaqytta partııany tirkeý úshin bastamashyl top músheleriniń sany kemi 700, partııa múshesi 5 myń, aımaqtyq bólimshelerdegi múshe sany kemi 200 bolýǵa tıis.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir