30 Qarasha, 2022 NEWS
![](/media/2022/11/30/crop-17_35_653x1162_6386e02f7046c901886531.jpg?width=600&height=480)
Foto: QR Úkimetiniń baspasóz qyzmeti
Búgin Ekibastuz qalasynda Máshhúr Júsip kóshesindegi 17 kóppáterli úıdi jylytý júıelerine qosý josparlanyp otyr.
30 qarashada tańǵy saǵat 08.00-de Ekibastuzdaǵy tótenshe jaǵdaıdy joıý jónindegi jedel shtabtyń otyrysynda qalanyń jylý jelilerindegi qazirgi jaǵdaı men temperatýralyq rejımdi qalpyna keltirý boıynsha qabyldanyp jatqan sharalar talqylandy.
"Búgin jylý magıstralindegi eki negizgi jarylǵan jerdi qalpyna keltirý jáne Máshhúr Júsip kóshesindegi 17 kóppáterli úıdi jylytý júıelerine qosý josparlanyp otyr", - delingen Úkimet baspasóz qyzmeti taratqan aqparatta.
Saǵat 9.00-den bastap qalanyń áleýmettik nysandary tekserilip jatyr. Úkimet músheleri men jedel shtab qatysýshylary Ekibastuz qalalyq aýrýhanasynda, qabyldaý bóliminde, perzenthanada boldy. Medısınalyq mekemelerdegi temperatýra 24°C quraıdy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir