• USD 465.38

  • EUR 483.58

  • RUB 7.69

  • CNY 64.95

27 Qarasha, 18:02:32
Almaty
-9°
 
Qarjy naryǵyn retteý jáne damytý agenttigi áleýmettik jelilerde jáne messendjerlerde tarap jatqan "kredıttik raqymshylyq" júrgizildi jáne qaryzdardyń barlyq túrleri esepten shyǵaryldy degen aqparat shyndyqqan janaspaıtynyn málimdedi.

Agenttik habarlamasynda kredıtter boıynsha merzimi ótken bereshegi bar azamattardy qoldaý úshin 2021 jylǵy qazannan bastap bereshekti retteýdiń biryńǵaı mindetti tártibi engizilgeni atap ótilgen.

"Kredıtter boıynsha merzimi ótken jaǵdaıda qaryz alýshylar bankke nemese mıkroqarjy uıymyna ótinishpen júginýi qajet, onda olardyń ótinishi qaralady jáne problemalyq bereshekti qaıta qurylymdaý sharttary usynylady. Qaryzdy qaıta qurylymdaý sharttary: syıaqy mólsherlemesin tómendetý; tólemdi keıinge qaldyrý; óteý ádisin ózgertý; qaryz merzimin ulǵaıtý; merzimi ótken negizgi boryshty jáne (nemese) syıaqyny keshirý, turaqsyzdyq aıybyn (aıyppul, ósimpul), qaryzǵa qyzmet kórsetýge baılanysty komıssııalar men ózge de tólemderdi joıý jáne t. b. túrinde bolýy múmkin. Eger qaryz alýshy qaryzdy qaıta qurylymdaý sharttary boıynsha kredıtormen kelisimge kele almasa, ol kredıtordyń jaýabyn alǵan kúnnen bastap 15 kún ishinde Agenttikke júginýge quqyly. Bul rette qaryz alýshy bankke nemese MQU-ǵa óziniń ótinishin rastaýdy jáne ózara qolaıly sheshimge qol jetkizbeýdi mindetti túrde usynýǵa tıis" delingen habarlamada.

"Qamshy" silteıdi
Ilmek sózder: kredıt saıasaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir