14 Qarasha, 2022 NEWS
Foto: Anadolu aqparat agenttigi
Túrkııa Ishki ister mınıstri Súleıman Soılý Stambýldyń Beıoglý aýdany Istıklıal kóshesindegi jarylysqa qatysy bolýy múmkin degen kúdikpen taǵy 21 adam ustalǵanyn habarlady.
"Bizdiń baǵalaýymyzsha, buıryq Kobanıden (Sırııa qalasy) túsken. Al oryndaýshy Afrınnan (Sırııa qalasy) kelgen" degen Soılý sózderin Anadolu agenttigi keltirgen.
Ol istiń izi Sırııaǵa kelip tireletin aıǵaqtar bar dep otyr. Aıtýynsha, aıǵaqtar jarylysty PYD uıymy uıymdastyrǵanyna meńzeıdi.
Keshe Stambýldyń týrıster kóp júretin Istıklıal kóshesinde jarylys bolyp, 6 adam qaza tapqan. 81 adam jaralanǵan.
Túrkııa densaýlyq saqtaý mınıstrliginiń málimetinshe, 81 adamnyń 39-y úıine shyǵarylǵanyn, 5 adam jansaqtaý bóliminde jatyr, onyń ekeýiniń jaǵdaıy aýyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir