• USD 465.38

  • EUR 483.58

  • RUB 7.69

  • CNY 64.95

27 Qarasha, 17:36:03
Almaty
-9°

15 qarashadan bastap Qazaqstanda ABS júıesi, SOS batyrmasy, qaýipsizdik jastyǵy joq, ekologııalyq klasy tómen mashına shyǵarýǵa bolady. Kóktemde sanksııaǵa baılanysty Reseı osyndaı jeńildik jasaǵan. Endi bizdiń elde de avtoóndirýshilerge qoıylatyn talap jeńildep otyr, dep habarlady kolesa.kz basylymy.

4 qarashada Qazaqstanda shyǵatyn jekelegen Dóńgelekti kólik quraldaryna qoıylatyn mindetti talaptardy qoldaný jáne olardyń sáıkestigin baǵalaý týraly Úkimet qaýlysy shyqty, qujat 15 qarashadan bastap kúshine enedi. Ol boıynsha 2023 jylǵy 1 aqpanǵa deıin Qazaqstanda ABS, qaýipsizdik jastyǵy, SOS batyrmasy joq jáne ekologııalyq klasy Eýro-5 standartynan tómen (Eýro-0-ge deıin) mashına shyǵarýǵa ruqsat etiledi.

IIDM málimetinshe, mundaı jeńildik Reseı kompanııalarymen birge elde "Lada" jáne ÝAZ shyǵaratyn avtoóndirýshilerdi qoldaý maqsatynda jasalyp otyr.

"Hyundai mundaı qarapaıym mashına óndirmeıdi dep oılaımyz, óıtkeni úkimet qaýlysyna sáıkes ondaı kólikti shetelge eksporttaýǵa jáne Qazaqstannan tys jerde júrgizýge bolmaıdy" degen mınıstrlik jaýabynan tehnıkalyq talaptardyń tómendeýi reseılik markalarǵa ǵana qatysty ekenin ańǵarýǵa bolady.

"Qamshy" silteıdi
Ilmek sózder: avtoóndiris Lada ÝAZ

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir