Almatyda jazýshy Gerold Belgerdi eske alý keshi ótedi

Almatyda belgili qazaqstandyq prozashy, pýblısıst, aýdarmashy Gerold Belgerdiń taǵdyry men shyǵarmashylyǵyna arnalǵan eske alý keshi ótedi, dep habarlady Qazaqstan halyq assambleıasynyń baspasóz qyzmeti. 

Kesh 2022 jylǵy 31 qazanda saǵat 14.30-da respýblıkalyq Dostyq úıinde bolady. Is-sharaǵa Gerold Belgerdiń dostary men jaqyndary, serikteri men shákirtteri, dıplomatııa ókilderi, QHA músheleri men qurylymynyń ókilderi, zııaly qaýym men qoǵam qaıratkerleri, sondaı-aq, JOO stýdentteri men BAQ tilshileri jáne «Vozrojdenıe» Almaty nemister etno-mádenı qoǵamynyń, «Wiedergeburt» nemister keńesiniń ókilderi qatysady dep kútilip otyr.