• USD 468.56

  • EUR 497.56

  • RUB 7.3

  • CNY 67.18

28 Naýryz, 19:25:41
Almaty
+35°

29 qazanda Seýldegi Helloýın kezinde qaza bolǵan Aqtóbe qalasynyń turǵyny Mádına Shernııazova Seýl ýnıversıtetiniń magıstratýrasynda oqyp júrgen dep jazady Azattyq radıosy.

Ol Helloýın merekesine bara jatyp, ápkesine vıdeobaılanyspen habarlasqan. Dostarymen birge bara jatqanyn, merekelik kóńil-kúılerin kórsetken.

26 jastaǵy Mádına Shernııazova Aqtóbe qalasyndaǵy №27 orta mektepte oqyǵan. Tatarstan astanasy Qazan federaldy ýnıversıtetiniń shyǵystaný fakýltetin koreı tili boıynsha bitirip, Seýl qalasyndaǵy joǵary oqý oryndardyń birine magıstratýraǵa túsken.

№27 orta mektep dırektorynyń orynbasary Altyngúl Atkıeva Mádına Shernııazovany bala kezinen til úırenýge beıim boldy dep sıpattaıdy.

– Mektebimizdiń 2013 jylǵy túlegi edi. О́te jaqsy oqydy, til úırenýge beıim boldy. Aǵylshyn tilin tereńdetip oqytatyn synypty bitirdi. Sonan soń Qazan ýnıversıtetine tústi, – deıdi ol.

Aqtóbedegi tanystarynyń sózine qaraǵanda, Mádına otbasyndaǵy eki qyzdyń kishisi. Segizinshi synyptan koreı tilin oqyǵan.

Seýldegi Helloýın kezinde Aqtóbe oblysynda týǵan 1996 jylǵy Qazaqstan azamaty da qaza bolǵanyn keshe Qazaqstan syrtqy ister mınıstrligi Telegram-arnasynda habarlaǵan.

"Qazaqstandyq dıplomattar marqumnyń týystarymen baılanysta, qujattardy rásimdeý men máıitti Qazaqstanǵa jetkizý boıynsha qajetti kómek kórsetip jatyr" dep jazylǵan habarlamada.

Qazaqstan SIM-ine aqparatty Seýl polısııasynyń jedel shtaby habar bergen. Buǵan deıin oqıǵadan qaza bolǵan 151 adamnyń 19-y sheteldik ekeni habarlanǵan edi.

Helloýındi toılaý Gamılton qonaq úıi mańyndaǵy tar kóshelerdiń birinde bolǵan. Adamdardyń syǵylysyp, bir-birin taptap ketýine ne túrtki bolǵany belgisiz.

Aýdanǵa shamamen 100 myń adam jınalǵan dep aıtylady. Basym bóligi 20-25-tegi jastar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir