Foto: ulysmedia.kz
Bas prokýrordyń orynbasary Áset Shyndalıev áleýmettik jelide qyzý talqylanǵan kásipker Ramıl Mýhorıapovtyń sózine qatysty tekserý jumystary júrgizilip jatqanyn aıtty. Ol kásipkerdiń vıdeosyna qatysty jeke pikir berýden bas tartty.
"Meniń bilýimshe, qazir Almaty polısııa departamenti tarapynan tekserý júrgizilýde. Tıisti saraptama taǵaıyndaldy. Saraptama nátıjeleri boıynsha odan ári sheshim qabyldanady" dedi Áset Shyndalıev.
Chocofamily basshysy Ramıl Mýhorıapovtyń qazaqsha bilmeıtin ózge ult ókilderine oryssha bile tura qazaq tilinde jaýap berý mádenıetsizdik ekenin aıtqan vıdeosy daý týdyrǵan. Mundaı málimdemeni kásipker Reseıden Qazaqstanǵa kóship kelgendermen kezdesý kezinde aıtqan. Atalǵan oqıǵadan soń qazaqstandyqtar Chocofamily ónimderine baıkot jarııalap, narazylyq bildire bastady. Keıin Ramıl Mýhorıapov áleýmettik jeli arqyly keshirim surady. Onyń ústinen Bas prokýratýraǵa depýtattar, jekelegen azamattar aryzdandy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir