Oppozısııa nege sátsizdikke ushyrady?

Oppozısııanyń beldi ókili bolǵan, ondaǵan jyl shetelde turyp, jýyrda elge oralǵan memleket jáne qoǵam qaıratkeri, Semeı, Pavlodar oblystarynyń burynǵy ákimi, "Qazaqstannyń demokratııalyq tańdaýy" qoǵamdyq qozǵalysyn qurýshylardyń biri Ǵalymjan Jaqııanov Qazaqstanda oppozısııa nege sátsizdikke ushyraǵanyn aıtyp berdi.

1) 2001-2002 jyldary munaı baǵasy ósýine baılanysty bıýdjetke túsetin aqsha artyp, eldiń ekonomıkasy kóterildi. Sáıkesinshe, úkimetke saıasatyn júrgizý ońaıyraq bola bastady.

2) 2011 jylǵy 11 qyrkúıekte bolǵan Amerıkadaǵy teraktten keıin AQSh syrtqy saıasatyn, ásirese Ortalyq Azııaǵa qatysty saıasatyn kúrt ózgertti. 90 jyldary osynda Amerıkanyń demokratııalyq ınstıtýttary, olardyń ókilderi kóptegen aǵartýshylyq jumys júrgizip, demokratııa aldyńǵy orynǵa shyǵýy kerek degen ıdeıany ilgeriletetin. Úkimetke demokratııany ornatý boıynsha talaptar qoıyp, saılaýdy qatań baqylaıtyn. Teraktten keıin tártip pen qaýipsizdikti aldyńǵy orynǵa qoıyp, demokratııany damytýǵa baǵyttalǵan sharalar keıinge ysyryla berdi. 

3) Kórshi Reseı bıligindegi ózgerister. Demokrat Elsınniń ornyna, "chekıst" Pýtın kelip, avtorıtarızmdi ornatyp, sóz erkindigin shekteı bastady. Bunyń saldary bizge de áser etti.

4) Oppozısııalyq saıasatkerlerdi óltirdi, atty. Jýrnalısterdi qýdalap, táýelsiz medıany jaba bastady. Sonyń saldarynan 2006 jyldan beri qaraı oppozısııanyń qolynda tabysty, mardymdy jumys isteýge múmkindik bolmaı qaldy.

Derekkóz: Dope soz youtube jobasy