QMDB 2023 jyldyń dinı merekeler kestesin jarııalady

Qazaqstan musylmandary dinı basqarmasy 2023 jylǵy dinı kúnder kestesin bekitti.

"Hıjrı aılarynyń bastalýy halyqaralyq astronomııalyq zertteý ortalyqtarynyń málimetteri negizinde jasaldy. Pátýa mamandary dinı merekelerdiń naqty kúnderi jańa aıdyń kórinýine baılanysty kórsetilgen ýaqyttan bir kún shegerilýi nemese alǵa jyljýy múmkin ekenin eskertedi", - delingen QMDB saıtynda.

Dinı kúntizbege sáıkes, 2023 jyly qasıetti Ramazan aıy 23 naýryzda bastalady. Sáýirdiń 17-sinen 18-ine qaraǵan túni – Qadir túni, 21 sáýirde – Oraza aıt.

Qurban aıttyń birinshi kúni 28 maýsymǵa túsip tur. Aıta keteıik, úshkúndik merekeniń alǵashqy kúni elimizde demalys sanalady.