• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 03:28:56
Almaty
-6°
23 qyrkúıekte Almaty halyqaralyq áýejaıyna "Rossııa" áýe kompanııasynyń Máskeýden ushqan reısi qonǵan sátte almatylyq stýdentter Qaragóz Qasym men Aısultan Qudaıbergen pıket ótkizdi. Olardyń plakattarynda "Otqa aıdaǵanyn endi uqtyńdar ma?" ("Che, ponıalı chto vy mıaso?"), "Syılamasań, kete ber" («Ývajaı ılı ýezjaı") degen mándegi jazý bar, dep jazady Azattyq radıosy.

Basylym málimetinshe, pıket bastalǵan soń kóp ótpeı olardy áýejaıdyń polısııa qyzmetkerleri kezekshi bólimge alyp ketken. "Meniń negizgi maqsatym – ýkraın halqyn qoldaý" degen Qaragóz Qasym polısııa bóliminde otyryp.

– Reseı azamattarynyń qazir Qazaqstanǵa kelýine qarsymyn. Bul tek meniń ǵana oıym emes. Osy áreket arqyly qoǵamda bolyp jatqan rezonansty kórsettim. Erteń olardyń separatıstik qozǵalystardy qorǵap, elimizge qaýip tóngen kezde pyshaq suqpasyna eshkim kepil emes, – deıdi ol.

Eki azamat polısııa bóliminde jarty saǵattaı otyrǵan soń bosaǵan.

– Bul kisilermen profılaktıkalyq áńgime júrgizildi. Basqa eshteńe emes. Ne maqsatpen kelgenin suradyq. Aýyzsha túrde eskertý jasaldy, – degen polısııa ókili Ernar Tasqyn Azattyq tilshisine.

Alaıda Qaragóz Qasym Azattyq jýrnalısine polısııa "usaq buzaqylyq" babymen nemese ruqsat etilmegen pıket ótkizdińder degen aıyppen jazaǵa tartamyz degenin jetkizgen. Jýrnalıster kelgen soń ol týraly áńgime qaıta qozǵalmady deıdi.

"Ol pıket kezinde jolaýshylardyń reaksııasy ártúrli bolǵanyn aıtady. "Keıbiri qarsy pikir bildirdi, biraq kópshiligi qoldady. Adekvat adamdar basym eken" deıdi" dep jazdy Azattyq radıosy.

21 qyrkúıekte Reseı prýzıdenti Vladımır Pýtın ishinara mobılızasııa týraly jarlyqqa qol qoıǵannan keıin, Ýkraınamen soǵysqa barǵysy kelmeıtin Reseı azamattary kórshiles elderge aǵyla bastady. Reseı-Qazaqstan shekarasynda uzyn-sonar kezek ornap, taıaý kúnderdiń áýe bıletteri jyldam satylyp ketti. Qalǵan bılietterdiń baǵasy aspandap tur. Qazaqstandyqtar elge aǵylym jatqan reseıliktermen kóptegen másele de ilise keletininen aıtyp, alańdaýshylyǵyn bildirip jatyr. Shekarany jabý kerek deıtinder de az emes.

Bılik reseılikterdiń údere kelýine tosqaýyl qoıylmaıtynyn, biraq zań sheńberinde qabylanatynyn habarlady. Ishki ister mınıstrliginiń Kóshi-qon qyzmetiniń málimetinshe, bıyl elge 1 660 000 Reseı Federasııasynyń azamaty kelgenin, onyń 1 640 000 ketkenin aıtady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir