Kórneki sýret
Almaty qalasynyń prokýratýrasy «Artsport» baǵdarlamasy arqyly balalardyń sporttyq jáne shyǵarmashylyq tapsyrystaryn qarjylandyrý kezinde zańdylyqtyń saqtalýyna tekserý júrgizip jatqanyn habarlady.
2021 jyldyń mamyr aıynan bastap Almatyda baǵdarlamany júzege asyrýǵa 12,8 mlrd teńge bólingen.
Prokýrorlyq tekserýdiń aldyn ala nátıjeleri birqatar zań buzýshylyqtardy anyqtaǵan.
"Bıýdjet qarajatyn jymqyrý boıynsha qylmystyq shemalar anyqtaldy. Atap aıtqanda, elden tys jerde, aýrýhanada bolǵan jáne seksııalar men úıirmelerge múldem qatyspaǵan 2000-nan astam balaǵa oryndalǵan jumystar aktileri usynyldy. О́tkizilgen sabaqtardyń sany 5000-nan asady.
Tek 935 «Artsport» qatysýshysy is júzinde sport mektepterinde aınalysady.
Bul rette eńbek sharttaryn jasaspaǵan, zeınetaqy aýdarymdary júrgizilmegen jattyqtyrýshylardyń ózderine qatysty da eńbek quqyqtaryn buzýǵa jol beriledi.
Atalǵan faktiler boıynsha qala prokýratýrasy alaıaqtyq faktisi boıynsha qylmystyq is qozǵady.
Birqatar materıaldar prosestik sheshim qabyldaý úshin qylmystyq qýdalaý organdaryna berildi" delingen habarlamada.
Budan basqa, «Artsport» platformasynyń fýnksıonalynyń jumysynda da eleýli olqylyqtar anyqtalǵan. Máselen, memlekettik organdardyń aqparattyq júıelerimen biriktirilmegen, balalardyń derbes derekteri qorǵalmaǵan.
Qazirgi ýaqytta mamandardy tarta otyryp, tekserý júrgizilip jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir