Danıal Ahmetov: О́rt saldarynan halyqty evakýasııalaý týraly másele týyndamaıdy

Qyrkúıek ShQO qutqarýshylary úshin «ystyq» maýsym boldy ShQO-da birneshe aýdanda qurǵaq shóp janyp jatyr, alaıda turǵyndarǵa qaýip joq.

Táýlik boıy jáne barlyq kúshtermen: ShQO qutqarýshylary qurǵaq shóptiń tutanýyn, órttiń beleń alyp ketýine jol bermeýde.

О́skemen qalasynyń mańynda órt sóndirýshiler, Ulttyq gvardııanyń jaýyngerleri jáne jergilikti atqarýshy organdardyń ókilderi qurǵaq shópter men butalardyń janýyn sóndirýde.

Kamennyı karer kentinde qazir 400-den astam adam jáne 41 birlik tehnıka jumys isteýde. Turaqty túrde sý jetkizý uıymdastyrylǵan, tas jolda polısııa qyzmetkerleri patrýldeýdi júzege asyrýda. Oqıǵa ornynda oblys ákimi Danıal Ahmetov baryp, qazirgi ýaqytta, óńir basshysynyń aıtýynsha, halyqqa qaýip joq, kent turǵyndaryn evakýasııalaý máselesi joq dep atap ótti. О́rtti sóndirýge 15 m/s soqqan jeldiń jyldamdyǵy biraz qıyndyqtar týdyrýda. Biraq jaǵdaı turaqty baqylaýda. Tańerteń bul jerge Ulttyq ulannyń 200 jaýyngeri qosymsha kelip, órtti aýyzdyqtaýǵa belsendi qatysýda. Sondaı-aq, ShQO TJD málimetinshe, órttiń taralýyna jol bermeý úshin aýyldyń aınalasyn úsh ret jyrtqan. Budan basqa, TJD qyzmetkerlerine «ÚMZ» jáne «Kazsınk» syndy óńirdiń iri kásiporyndarynan órt sóndirý bólimderi de kómekke keldi. Aıta ketý kerek, órt aýmaǵy 35 gektardy quraıdy.

Aımaq basshysy Danıal Ahmetov qurǵaq shóp janyp jatqan Altaı aýdanyna da bardy. Qutqarýshylar úshin bul maýsym shyn máninde "ystyq" boldy, alaıda bul aýdandaǵy turǵyndarǵa qaýip tóndirmeıdi. Tilsiz jaý aldyn ala boljam boıynsha 700 ga qurap otyr. О́rt aýmaǵyn sholyp shyǵý úshin Qazavıaormanqorǵaý mekemesiniń AN-2 ushaǵy jumyldyrylǵan. О́rtti joıýǵa 300-ge jýyq adam men 24 tehnıka jumyldyryldy, táýlik boıy jedel shtab jumys isteýde. О́rt Kúrshim aýdanynda, Marqakól kóliniń mańynda tirkeldi, qutqarýshylar men ormanshylyqtardyń ókilderi jumys isteýde. Olardyń kómegimen órttiń taralý aýmaǵyn tejep, jalyn sharpyǵan aımaqtan 10 shaqyrym jerde ornalasqan Tosqaıyn aýylyna taralýyna jol bermeý múmkin boldy. Taýly jerlerdegi órtti sóndirý úshin Mı-8 tikushaqtary jumyldyryldy.