Sáıkes kezeńdegi shyǵyn jylyna 19,5 paıyzǵa ósip, 9,7 trln teńgege jetken. Tabys pen shyǵyn aıyrmashylyǵy 188,1 mlrd teńgeni qurap, saldo oń mánge ıe bolyp otyr. Byltyr aıyrmashylyq 895,6 mlrd teńgege deıin jetip, teris saldo kórsetken.

 

Jarty jyldyń qorytyndysy boıynsha bıýdjet qarjysynyń 24 paıyzy (2,3 trln tg) bilim salasyna jumsalǵan. 22,5 paıyzy (2,1 trln tg) áleýmettik qamtý salasynyń úlesine tıedi. Densaýlyq saqtaý salasy shyǵynnyń 10 paıyzyn (977,6 mlrd tg) alady.

 

Bir jyl ishinde shyǵyny artqan salalar kóshin qorǵanys salasy bastap tur. Jarty jylda bul salaǵa 486,4 mlrd jumsalǵan. Atalǵan sıfrlar byltyrǵy shyǵynǵa qaraǵanda 38,9 paıyzǵa joǵary.

 

Bıýdjet túsiminiń 72 paıyzyn (7,2 trln tg) salyq túsimderi quraıdy. Bul – byltyrǵydan 46,8 paıyzǵa kóp.

 

Transfertten túsken paıda 2,4 trln teńgeni, salyqtyq emes túsimder 214,6 mlrd teńgeni, negizgi kapıtaldy satýdan túsken paıda 110 mlrd teńgeni quraǵan.