Qytaıdyń 5 ballıstıkalyq zymyrany Japonııaǵa qulady

5 tamyzda Qytaıdyń 5 ballıstıkalyq zymyrany Japonııanyń erekshe ekonomıkalyq aımaǵyna qulaǵan, dep habarlady Interfaks. Buǵan qatysty Japonııa narazylyq bildirip jatyr. 

– Bul – elimizdiń jáne adamdardyń ulttyq qaýipsizdigine áser etetin mańyzdy másele, – dedi Japonııanyń qorǵanys mınıstri Nobýo Kısı. 

Keshe Japonııanyń Syrtqy ister mınıstri Iosımasa Haıası Taıvan buǵazynda ótip jatqan Qytaı áskerı jattyǵýlaryna baılanysty alańdaýshylyq bildirgip, Qytaıdan Taıvan mańyndaǵy oqý-jattyǵýdy dereý toqtatýdy talap etken.

Al búgingi jaǵdaıǵa baılanysty japon úkimeti Qytaı bıligine dıplomatııalyq aryz túsirdi.