Foto: Egemen Qazaqstan
Aqmola oblysynda 33 laýazymdy tulǵa sapasyz jol úshin jaýapkershilikke tartyldy. Bul týraly oblystyq ákimshilik polısııa basqarmasy málimdedi. Quzyrly organ ókilderi shilde aıynyń 19-ynan beri 200-den astam jolǵa monıtorıng júrgizip, barlyǵynan kemshilik anyqtaǵan, dep jazady "Habar 24".
"Jaýapty kommýnaldyq mekemelerge eskertý jasap, joldy salǵan jáne arnaıy jol belgilerin ornatqan uıym ókilderiniń árqaısysyna 31 myń 800 teńgeden aıyppul saldy. Al, jıi kezdesetin zańbuzýshylyqtarǵa jóndeý jumystary júrip jatqan jerlerge jol belgilerin qoımaý jáne temirjol ótkelderinde arnaıy belgilerdiń joqtyǵyn aıtýǵa bolady" deıdi, polıseıler.
Oblystyq ákimshilik polısııa basqarmasynyń bastyǵy Erjan Qoshqarbaevtyń aıtýynsha, joldyń durys jóndelmeýi qaıǵyly oqıǵalarǵa alyp kelýi múmkin.
"Mundaı jaǵdaılardyń aldyn alý úshin biz atalǵan tekseristerdi júıeli túrde júrgizip otyramyz. Bizdiń aralasýymyzben reıd bastalǵan 16 kúnniń ishinde qaýipti jol bólikterine 174 jol belgisi qoıyldy. Al, jolǵa mal shyǵýy múmkin degen eldi mekenderdiń tusyna iri qaranyń 19 maketi ornatyldy" deıdi Erjan Qoshqarbaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir