Bolat Nazarbaev qaıtys bolǵany týraly aqparat – feık

Eks-prezıdent Nursultan Nazarbaevtyń inisi Bolat Nazarbaev qaıtys bolǵany týraly aqparat shyndyqqa janaspaıdy.

"Bul – feık" deıdi KazTAG aqparat agenttiginiń derekkózi.

Burynǵy prezıdenttiń inisi men onyń aınalasyndaǵy adamdardyń reıderlik shabýylynan zardap shektik dep shaǵymdanýshylar jıilegen tusta Bolat Nazarbaevtyń densaýlyǵy nashar ekeni, ol qyltanaq aýrýyna shaldyqqany týraly aqparat shyqty.

Qyzy Gúlmıra Ábisheva  Ekspress-K basylymyna bergen suhbatta ákesi syrqaty bastalǵan 2015  jyldan beri bıznespen aınalysýdy doǵaryp, isterin senimdi adamdaryna tapsyrǵanyn aıtqan. Alaıda el arasynda Bolat Nazarbaev 2015 jyldan bastap sharýaǵa aralasýdy toqtatqanyna kúmánmen qaraıtyndar kóp. Sondaı-aq Bolat Nazarbaevtyń densaýlyǵy týraly aqparat jurtshylyqqa oǵan degen aıaýshylyq sezimin týdyrý úshin ádeıi shyǵarylyp otyr dep sanaıtyndar, ony qylmystyq jaýapkershilikke tartý kerek deıtinder de az emes.