25 Shilde, 2022 Ekonomıka
Foto: forbes.kz
Elde eski nesıeler keshirilýi múmkin. Qarjy mınıstrligi osy máselege qatysty mán-jaıdy túsindirdi, dep habarlady "Habar 24" arnasy.
Buǵan deıin halyqtyń nesıe portfelin merzimi ótken bereshekten tazartý úshin Bıýdjet kodeksine "Úmitsiz bereshek" túsinigi engizilip, ol boıynsha kredıtordyń talaptaryn toqtatý usynylǵan bolatyn.
Qarjy mınıstrligi bul ózgeris 90-shy jyldardaǵy ótelmegen qaryzdarǵa qatysty ekenin málimdedi.
Jobada boryshkerlerdiń quqyqtyq jaǵdaıy týraly eshqandaı aqparat joq. Ádilet mınıstrliginiń derekter bazasynda da olar týraly aqparattyń joq ekeni atap kórsetilgen.
"Osyǵan baılanysty, qoldanystaǵy bıýdjet zańnamasy aıasynda bar bereshekterdi óndirip alý, sondaı-aq olardy esepten shyǵarý boıynsha odan ári jumys júrgizý múmkin emes. Memleketten alynǵan qandaı somany esepten shyǵaratyny ázirge belgisiz. Bir anaǵy, qaryz alýshylar men rastaıtyn qujattardy izdeý jalǵasyp jatyr. Biraq jyl basynda qaryz shamamen 120 mıllıard teńge bolǵan. Al Úkimettiń talaptaryn toqtatý zańmen belgilenbegen" dep habarlady vedomstvonyń baspasóz qyzmeti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir