• USD 468.56

  • EUR 497.56

  • RUB 7.3

  • CNY 67.18

09 Aqpan, 06:57:26
Almaty
-1°

Shyǵys Qazaqstan oblysynyń prokýratýrasynda zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý keńesiniń otyrysy ótti. Onda kámeletke tolmaǵandar arasyndaǵy sýısıd máseleleri jáne memlekettik organdardyń olardyń aldyn alý boıynsha qabyldaǵan sharalarynyń tıimdiligi talqylandy, dep habarlady Shyǵys Qazaqstan oblysynyń bas prokýratýrasynyń baspasóz qyzmeti.

Otyrysqa oblys ákiminiń orynbasary A.Muhamedchınov, densaýlyq saqtaý, polısııa organdarynyń basshylary, oblys ortalyǵynyń aýmaǵynda ornalasqan mektepter men kolledjderdiń dırektorlary qatysty.

Oblys prokýrory A.Baısholaqov otyrysty asha otyryp, sońǵy jyldary balalardyń ózine qoljumsaý máselesi jalpy el úshin de, Shyǵys Qazaqstanúshin de ózekti bolyp otyrǵanyn aıtty.

– Oblysta 2020 jyly sýısıdtiń 9, al 2021 jyly 11 faktisi, 2020 jyly ony jasaý áreketteri – 48, 2021 jyly - 64 tirkeldi, bul osy taldaýdy júrgizýge sebep boldy, – dedi ol

5 aıda 3 sýısıd jáne oǵan 11 áreket tirkelgen. 2022 jyly tómendeý dınamıkasyna qaramastan, jaǵdaı úlken alańdaýshylyq týdyrady.

О́z baıandamasynda oblys prokýrorynyń orynbasary A.N.Tileshev p jaǵdaıda sýısıdti 15-19 jas aralyǵyndaǵy jasóspirimder jáne kóbinese qyzdar jasaıtynyna nazar aýdardy. Sebepteri ártúrli - otbasyndaǵy janjal, basqalarmen problemalar, orynsyz mahabbat jáne t.b. Jasaý ádisteri de ártúrli, biraq, ádette, bul dári-dármekterdi qoldaný, denege zııan keltirý jáne asylyp ólý.

Aıaqtalǵan sýısıdter sany boıynsha Semeı, Kýrchatov qalalary jáne Aıagóz aýdany, О́skemen, Semeı jáne Rıdder qalalary aldaJalpy oblys boıynsha barlyq sýısıdter men áreketterdiń jartysynan kóbin tolyq jáne qolaıly otbasylardan shyqqan balalar men jasóspirimder jasaǵan.   

– Biz ózine qol jumsaý kóbinese kámeletke tolmaǵandardyń psıhoemosıonaldy jaǵdaıyna baılanysty ekenin túsinemiz, biraq taldaý barysynda osy qubylystyń ózindik ereksheligimen qatar, olardy ýaqytyly boljaýǵa kedergi keltiretin memlekettik organdardyń jumysyndaǵy birqatar kemshilikter men ózekti máseleler anyqtaldy, – deıdi oblys prokýrory.

Máselen, oblys mektepterinde shtattyq psıhologtardyń jetispeýshiligi baıqalady, sonymen qatar olardyń keıbir jaǵdaılarda júrgizip jatqan jumystary ústirt sıpatqa ıe, dıagnostıkanyń qoldanystaǵy ádistemeleri jetildirilmeıdi.

Balalar men jasóspirimder arasynda sýısıdti nasıhattaý belgileri bar ınternet siltemeler men saıttardy buǵattaý sharalaryn anyqtaý jáne qabyldaý bóliginde polısııa organdary tarapynan jumystyń jetkiliksizdigi de atap ótildi.

Oblystyq bilim, densaýlyq saqtaý basqarmalarynyń, polısııa Departamentiniń basshylyǵy da qaralyp jatqan máseleniń mańyzdylyǵyn atap ótip, óz tarapynan birlesken kúsh-jigermen ony sheshýge daıyndyǵyn bildirdi. Otyrysqa qatysqan oblys ákiminiń orynbasary A.Muhamedchınov balalar men jasóspirimderdiń sýısıdteriniń aldyn alýǵa baǵyttalǵan qosymsha sharalar qabyldaý qajettigi týraly aıtty.

Otyrys qorytyndysy boıynsha Úılestirý keńesi jergilikti atqarýshy organ men oblystyń bilim berý organyna Bilim mınıstrligine mektepterde jumys isteıtin psıhologtardyń sanyn belgileıtin úlgilik qaǵıdalardy ózgertý týraly usynystar engizýdi, Densaýlyq saqtaý basqarmasymen jáne klınıkalyq psıhologııa men psıhıatrııa salasynda praktıkalyq tájirıbesi bar mamandarmen tájirıbe almasýdy jolǵa qoıýdy usyndy. Sondaı-aq, bilim basqarmasy men mektep dırektorlaryna mektep psıhologtarynyń jumysyn uıymdastyrýdy qaıta qaraý jáne baqylaýdy kúsheıtý usynyldy. Polısııa Departamentiniń aldyna kámeletke tolmaǵandardyń ózine qol jumsaýyna úgit-nasıhat jáne shaqyrý belgileri bar ınternetti oqshaýlaý sharalaryn anyqtaý jáne qabyldaý mindetteri qoıyldy.

"Qamshy" silteıdi
Ilmek sózder: ShQO SÝISID

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir